Shymkentte Qairat Nurtastyń kontsertinde qaýipsizdik talaptary buzylýyna bailanysty qylmystyq is qozǵaldy, dep habarlaidy dalanews.kz.
Aldyn ala málimetke sáikes satylǵan biletter sany kontsert alańynyń ruqsat etilgen syiymdylyǵynan edáýir asyp ketken. Bul adamdar shamadan tys jinalýyna ákep soǵyp, kórermenderdiń qaýipsizdigine qater tóndirgen.
"Adamdar qysylyp qalýy saldarynan 18 jastaǵy qyz jaraqat alyp, aýrýhanaǵa jetkizildi. Áleýmettik jelide adamdar qaza tapqany týraly aqparat taraǵan, bul shyndyqqa sáikes kelmeidi. Qaza tapqandar joq", - dedi Shymkent PD ókili.
Kontsert uiymdastyrýshysy, iaǵni 1984 jyly týǵan L. ustalyp, ýaqytsha ustaý izoliatoryna qamalǵan.
"Tergeý júrgizilip jatyr. Tergeý barysy Shymkent qalasy Politsiia departamenti basshylyǵynyń baqylaýynda", - dep jazylǵan habarlamada.
