Mańǵystaý oblysynyń prokýratýrasy ekonomikalyq tergeý departamenti, sybailas jemqorlyqqa qarsy qyzmetimen birlesip munai-gaz salasynyń 5 kásipornynda tekserý júrgizýde, – dep habarlaidy Dalanews.kz.
«OilTransportKorporeishn» JShS-niń («QazMunaiGaz» UK AQ enshiles kásiporny) laýazymdy tulǵalary taýar jetkizýshiden 1,5 mlrd teńgeden astam somaǵa tehnikalyq erekshelikke sáikes kelmeitin avtobýstardy qabyldaǵany anyqtaldy. Bul rette olardyń quny 400 mln teńgege joǵarylatylǵan.
Jumys istelmegen arnaiy tehnika qyzmetteri úshin 110 mln teńge mólsherinde aqsha qarajatyn aýdarý faktileri belgili boldy.
Al, «West Oil Software» JShS-de («OilTransportKorporeishn» JShS merdigerlik uiymy) jumys istemegen adamdarǵa 400 mln teńgeden astam jalaqy tóleý, kompaniia basshylyǵynyń jaqyn týystaryn qosa alǵanda negizsiz jalaqy esepteý derekteri oryn alǵan.
Atalǵan buzýshylyqtar boiynsha Qylmystyq kodekstiń 189-babynyń 4-bóligi (senip tapsyrylǵan bóten múlikti iri mólsherde berý nemese jymqyrý) boiynsha 5 sotqa deiingi tergep-tekserý bastaldy. Protsestik prokýrorlar taǵaiyndaldy.
Sotqa deiingi tergep-tekserý sheńberinde atalǵan uiymdardyń 4 basshy laýazymdy tulǵalary ustaldy.
Qylmystyq ister oblystyq ekonomikalyq tergeý departamentiniń óndirisinde.
Basqa málimetter tergeý múddesi úshin jariia etilmeidi.
