Búgin Memleket basshysy Qasym-Jomart Toqaev Túrkistan qalasynda ótetin Ulttyq quryltaıdyń ekinshi basqosýyna qatysý úshin keldi. Prezıdent jumys saparynyń basynda Qoja Ahmet Iasaýı kesenesine kelip, zıarat etti, – dep habarlaıdy Dalanews.kz.

Prezıdent búkil túrki dúnıesine tanymal ǵulama Qoja Ahmet Iasaýıdyń jáne osynda jerlengen tarıhı tulǵalardyń rýhyna taǵzym etip, Quran baǵyshtady.

Sonymen qatar Prezıdent Qasym-Jomart Toqaevqa  «Áziret Sultan» memlekettik tarıhı-mádenı mýzeı-qoryǵynda júrgizilip jatqan eskertkishterdi qalpyna keltirý jumystary jóninde málimet berildi.

Memleket basshysy keseneniń tarıhı kelbetin saqtaý jóninde tapsyrma berdi.