– Qazaqstan Respýblıkasy Premer-Mınıstri laýazymyna taǵaıyndaýǵa kelisim berý úshin Álıhan Ashanuly Smaıylovtyń kandıdatýrasyn Parlament Májilisiniń qaraýyna usynamyn. Ol tájirıbeli maman, eńbekqor memlekettik qyzmetshi. Statısıka jónindegi agenttiktiń tóraǵasy, Prezıdenttiń kómekshisi, Qarjy mınıstri, Premer-Mınıstrdiń birinshi orynbasary boldy. Qazaqstan ekonomıkasynyń bolashaǵy týraly kózqarasy durys. Naqty jospary bar. Álıhan Ashanuly Úkimettiń jumysyn óte jaqsy biledi. Ózinde júktelgen mindetterdi abyroımen atqarady dep senemin, – dedi Májilis otyrysynda beınebaılanys arqyly qatysqan
Memleket basshysy Qasym-Jomart Toqaev. Buǵan deıin QR Prezıdentiniń baspasóz hatshysy Berik Ýálı Memleket basshysynyń beınebaılanys arqyly Parlament Májilisiniń otyrysyna qatysyp, elimizdiń jańa Premer-Mınıstriniń kandıdatýrasyn usynatyndyǵyn habarlaǵan bolatyn.
Sondaı-aq Prezıdent saıası jáne áleýmettik-ekonomıkalyq salalardaǵy ózekti máselelerdi sheshý boıynsha aýqymdy baıandama jasaıdy dep kútilýde.
