Memleket basshysy Qasym-Jomart Toqaev telekópir arqyly «Qyzylorda – Sekseýil», «Ulǵaisyn – Sekseýil» jáne «Beineý – Sekseýil» avtokólik joldarynyń qurylysyn bastap berdi, dep habarlaidy dalanews.kz.
Prezident «Qyzylorda – Sekseýil», «Ulǵaisyn – Sekseýil» jáne «Beineý – Sekseýil» avtokólik joldary qurylysynyń bastalýyna arnalǵan telekópirde sóz sóiledi
Qasym-Jomart Toqaev kólik-logistika salasy toǵyz joldyń torabynda turǵan Qazaqstannyń ósip-órkendeýine serpin beretin mańyzdy baǵyt ekenine toqtalyp, búgin elimiz úshin strategiialyq máni airyqsha aýqymdy jobalardyń qurylysy bastalatynyn málimdedi.
– «Jol – tirshiliktiń kúretamyry». Memleket osy salany damytýǵa árdaiym basa nazar aýdarady. Bizdiń maqsatymyz – Qazaqstandy Eýraziiadaǵy negizgi tranzit haby retinde damytý. Men muny únemi aityp júrmin. Barshańyzǵa belgili, elimiz Eýropa men Aziiany jalǵaityn negizgi kópir sanalady. Batys pen Shyǵys arasynda qurlyqpen tasymaldanatyn júktiń basym bóligi Qazaqstan arqyly ótedi. Sondyqtan ozyq jáne zamanaýi kólik júiesin qalyptastyrý – aldymyzda turǵan strategiialyq mindet. Jalpy, elimizde bul baǵytta kóptegen sharýa atqarylyp jatyr. Byltyr «Dostyq – Moiynty» temir jolynyń ekinshi jelisi iske qosyldy. Sonyń arqasynda júk tasymaly kólemi 5 ese artty. Sondai-aq Almaty beketin ainalyp ótetin temirjol jelisi jumys istei bastady, nátijesinde júk jetkizý merzimi aitarlyqtai qysqardy. Eń bastysy, osyndai aýqymdy jobalardy óz mamandarymyz júzege asyryp jatyr, – dedi Memleket basshysy.
