"Politseiler óz adamdaryn ózderi sabap júr". Almaty politsiiasy túsinik berdi
Videodan aq kóilek pen shalbar kigen er adamnyń politsiia qyzmetkerin urǵanyn kórýge bolady.
Video astynda oǵan túsinikteme de berile ketken.
"Sálemetsizder me! Videoda aq jeidedegi Naýryzbai aýdandyq politsiia basqarmasy basshysynyń orynbasary.
Politsiia maiory Jaqypbaev Qanat Erkinuly, jekpe-jekten sport sheberi retindegi sheberligin qoldana otyryp, jas ofitserlerdi júieli túrde osylai urady.
[video width="640" height="360" mp4="https://dalanews.kz/wp-content/uploads/2021/08/240701685_964885251025658_6418985479512706758_n.mp4"][/video]
Departament basshylyǵy buǵan nazar aýdarmaidy, men jurtshylyqtyń nazaryn osy máselege aýdarýdy suraimyn. Onyń janynda, iaǵni Jaqypbaevqa kómektesip, jas qyzmetkerdiń qolyn ustap otyrǵan Kriminaldyq politsiia basqarmasynyń orynbasary Turymbetov Erlik", - delingen.
[video width="640" height="360" mp4="https://dalanews.kz/wp-content/uploads/2021/08/240576154_264932258578926_8050459349823309880_n.mp4"][/video]
Almaty politsiia departamenti bul jaitqa bailanysty resmi túsinikteme berdi.
"Bul fakt boiynsha qyzmettik tekserý bastaldy, onyń barysynda video zerttelip, mán-jai anyqtalady. Almaty qalalyq PD Tártiptik komissiiasy kináli adamdarǵa qatysty túbegeili sharalar qabyldaidy", - deidi Almaty qalasy PD baspasóz qyzmeti.
