Til saiysynyń qatysýshylary «Táýelsizdik-tiregim» taqyrybynda beinerolik túsirý, «Qazaqstan Respýblikasy Táýelsizdiginiń 30 jyldyǵyna» arnap maqala jazý jáne Táýelsiz Qazaqstan jaiynda suraqtarǵa jaýap berý siiaqty kezeńderden ótti. Baiqaýǵa 12 qyzmetker qatysýǵa niet bildirip, barlyq kezeńnen súrinbei, finalǵa 10 úmitker shyqty.
Úsh tildi jetik meńgergen qyzmetker ekenin dáleldegen Tótenshe jaǵdailardy joiý basqarmasynyń bas mamany, azamattyq qorǵanys aǵa leitenanty Zańǵarbek Baqtiiaruly men Túrkistan qalasynyń TJB aǵa injeneri, azamattyq qorǵanys aǵa leitenanty Meiramhan Baqytuly, Kentaý qalasynyń TJB aǵa injeneri azamattyq qorǵanys aǵa leitenanty Qýanysh Nuralyuly júldeli III orynnan kórindi. Al, II oryndy TJD Tótenshe jaǵdailardyń aldyn alý basqarmasynyń bas mamany, aǵa leitenant Asylbek Aqylbekuly, Sairam aýdandyq TJB injeneri, aǵa leitenant Abylaihan Esboluly ielense, júldeli I oryndy TJD Memlekettik órt baqylaý basqarmasynyń aǵa injeneri, a.q. aǵa leitenanty Baqdaýlet Abytuly ielendi. Baiqaý jeńimpazy aldaǵy ýaqytta respýblikalyq til saiysynda Túrkistan oblysynyń namysyn qorǵaidy.
Aita keteiik, baiqaýda oblystyq Tótenshe jaǵdailar departamenti bastyǵynyń orynbasary, polkovnik E.T.Sarybaev. Túrkistan qalasy ákimdigi «Tilderdi oqytý jáne damytý ortalyǵy» KMM-niń qazaq tili pániniń oqytýshysy R.A.Sherova, aǵylshyn tili pániniń oqytýshysy J.N.Orazbaeva, Túrkistan oblysy qoǵamdyq damý basqarmasynyń «Jastar resýrstyq ortalyǵy» KMM-niń Taldaý, monitoring jáne áleýmettik zertteý bóliminiń basshysy A.B.Sultan, Túrkistan oblysy Tótenshe jaǵdailar departamenti Qujattamalyq qamtamasyz etý jáne memlekettik tildi damytý tobynyń bas mamany G.S.Serik qazylyq etti.
