Petropavl turǵyny aiyppul salynǵany úshin politseilerdi jazalaǵan, - dep habarlaidy Dalanews.kz.
Petropavl politseileri osyǵan deiin tynyshtyqty buzyp, jaýapkershilikke tartylǵany úshin tártip saqshylarynan "kek alǵan" 18 jastaǵy jasóspirimniń "izin sýytpai" ustap, ákimshilik jaýapkershilikke tartqan.
4 naýryz kúni Petropavlda saǵat 08:20 shamasynda № 11 ýchaskelik politsiia pýnktiniń qyzmetkeri qyzmetke kelip, synǵan áinekter men ÝPP tambýrynyń ashyq kireberis esigin baiqaǵan. Beinebaqylaý kameralarynyń jazbasyn qarap shyqqannan soń kinálini tez anyqtaýǵa múmkin boldy. Ol sol kúni tańerteń tynyshtyqty buzǵany úshin ákimshilik jaýapkershilikke tartylǵan 18 jastaǵy qala turǵyny bolyp shyqty. Tiisinshe qońyraý saǵat 04:20 shamasynda "102" arnasyna túsken.
Turǵynnyń aitýynsha, túngi ýaqytta jabyq bolǵan politsiia pýnktiniń múlkin zaqymdaýyn óziniń mas bolýy jáne oǵan salynǵan aiyppulǵa ashýlaný sebepker bolǵan. Beinejazbadan onyń terezeni syndyryp, tambýrǵa kirgeni ýchaskelik politsiia pýnktiniń úi-jaiynyń kireberis temir esigin buzyp kirmek bolǵanyn kórýge bolady. Meditsinalyq kýálandyrý kórsetkendei, quqyq buzýshy mas kúiinde bolǵan.
"Atalǵan fakti boiynsha Qazaqstan Respýblikasy Ákimshilik quqyq buzýshylyq týraly kodeksiniń 147-1 baby boiynsha "Bótenniń múlkin qasaqana joiý nemese búldirý" boiynsha material jinaldy. Besinshi naýryzda ákimshilik sottyń sheshimimen jas jigit 15 táýlikke qamaýǵa alyndy", - deidi birinshi politsiia bóliminiń bastyǵy politsiia podpolkovnigi Tilegen Áljanov.
