Pavlodar munai-himiia zaýytyndaǵy josparly jóndeý jumystary 2027 jylǵa shegerildi, dep habarlaidy dalanews.kz.
Bastapqyda kásiporyndy 2026 jyly jóndeý kózdelgen edi. "QazMunaiGaz" bul sheshimdi ishki naryqta janar-jaǵarmai tapshylyǵyna jol bermeý qajettiligimen túsindirdi.
Kompaniianyń málimetinshe, jóndeý merzimin aýystyrý maýsymdyq suranys artqan kezeńde munai ónimderin turaqty óndirýge jáne el aýmaǵyn janarmaimen úzdiksiz qamtamasyz etýge múmkindik beredi. Sondai-aq bul shara jekelegen óńirlerde janar-jaǵarmai tapshylyǵynyń týyndaý qaýpin azaitýǵa baǵyttalǵan.
Sonymen qatar Qazaqstandaǵy iri munai óńdeý zaýyttary kúrdeli jóndeý arasyndaǵy jumys merzimin kezeń-kezeńimen uzartyp jatyr. Shymkent munai óńdeý zaýyty úsh jyldyq jóndeýaralyq kezeńge kóshken. Sonyń arqasynda kásiporyn kúrdeli jóndeýge toqtamastan úsh jyl boiy jumys istei alady.
Osyndai jóndeýaralyq kezeńge kóshý baǵytyndaǵy jumystar Pavlodar jáne Atyraý munai óńdeý zaýyttarynda da júrgizilip jatyr.
