Ystyq kóldegi "Rahat", "Dılorom", "Zolotye peskı" jáne "Býston" dep atalatyn ózbek pansıonattary Qyrǵyzstannyń qaramaǵyna ótedi. Osylaı dep Qyrǵyzstan úkimetiniń baspasóz qyzmeti málimdedi.

Aqparatqa sáıkes, atalǵan qujatqa eldiń premer-mınıstri Temır Sarıev qol qoıǵan.

Ózbekstan Ystyq kóldegi pansıonattardy 2010 jyly jalǵa alǵan. Qyrǵyzstan aqparat quraldarynyń jazýynsha, bul habardy ózbek tarabyna dıplomattar jetkizedi.

Eske sala keteıik, aldyn Qyrǵyzstannyń qaramaǵyna Osh, Jalal-Abad jáne Batken oblystaryndaǵy birqatar áleýmettik nysandar da ótken.

Úkimettiń jarıalaǵan qaýlysyna sáıkes, Ózbekstan Qyrǵyzstanǵa 20 sharýashylyq nysandaryn qaıtarýy tıis. Olardyń ishinde Orto-Tokoı sý qoımasy da bar. ​