Májilis tóraǵasy Erlan Qoshanov búgin "prezidenttiń saiasi reformalaryn iske asyrý – memlekettik qurylystyń jańa tarihi kezeńi" taqyrybynda baiandama jasady, dep habarlaidy Dalanews.kz.
Qoshanov baiandamasynda eks-prezident Nursultan Nazarbaev týraly aitty.
"Elý jylda el jańa, júz jylda – qazan» deidi dana halqymyz. Basqasha aitsaq, ondaǵan jyldar boiy nátijesin berip kelgen júie óz jumysyn toqtatady degen sóz. Otyz jyl boiy Qazaqstanda sýperprezidenttik basqarý formasy qoldanyldy. Alaida, ýaqyt óte kele, uzaq jyldar boiy jumys istegen model úlken saiasi daǵdarysqa alyp keldi", deidi Qoshanov.
Erlan Qoshanov uǵan negizinen memleketimizge bir ǵana adam ústemdik etip, eldiń bar bailyǵyn sanaýly adam ielenýi sebep bolǵanyn aitty.
"Bul jait qoǵamnyń ashý-yzasyn týǵyzdy jáne eldiń damýyn tejedi. Sondyqtan úsh jyl buryn saiasi júieni jańǵyrtý protsesin bastaýdyń mańyzy zor edi. Búkil biliktiń bir qolda shoǵyrlanýyna múmkindik beretin júieden bas tartý qajet boldy. Álemde bolyp jatqan jaǵdailar kóptegen elde joǵarǵy bilikti basqa saiasi institýttarǵa berý jáne tabystaý áli kúnge deiin túrli daý men pikirtalasqa ulasatynyn kórsetip otyr. Bizdiń elimizde Prezident, kerisinshe, óziniń jeke bastamasy boiynsha ókilettikterdiń bir bóligin qaita bólip, bir rettik jeti jyldyq merzimdi engizdi. Osylaisha, sýperprezidenttik basqarý modeliniń dáýiri aiaqtaldy. Iaǵni, elimizde burynǵy saiasi qurylym men eldi basqarýdyń qoldanysta bolǵan printsipteri túbegeili ózgerdi", deidi Qoshanov.
Bilik tarmaqtary arasynda ońtaily tepe-teńdik saqtalatyn, memlekettik-saiasi qurylymnyń múlde jańa modeli qalyptasty.
"Endi Prezidenttiń janynda jańartylǵan, qajetti ókilettikteri bar jáne qoǵamnyń senimine ie bolǵan Parlament, Úkimet, Konstitýtsiialyq Sot jáne saiasi partiialar paida boldy. Ár is-áreketten zań men tártipke degen qurmet kórinip turatyn áleýmettik memlekettiń aishyqty beinesi aiqandalyp keledi. Osy sátten bastap Ádiletti Qazaqstan jai ǵana uran emes, naqty múmkindikke ainaldy", deidi májilis tóraǵasy.
