Merekelik is-ashara Jambyl atyndaǵy mektep-lıseıinde «Men Prezıdentimmen maqtanamyn» taqyrybynda jalǵasyn tapty.
Elimizdiń yntymaǵy men birligin berik saqtap, el tizginin ustaǵan Elbasymyz Nursultan Ábishuly Nazarbaevtyń syndarly saıasatyn keńinen nasıhattaý, jas býyndarǵa patrıottyq tárbıe berý, óskeleń urpaqty otanshyldyqqa,úlkendi qurmet tutýǵa baýlý maqsatyndaǵy merekelik sharada bilim ordasynyń ónerpazdary óz ónerlerin kórsetip, merekeniń mazmunyn asha tústi.
Mektep foıesine tulǵanyń kitaptary men qolóner sheberleriniń buıymdary qoıylyp, Elbasymyzdyń júrip ótken joldarynan syr shertip, ónegeli ómiri men jemisti qyzmetine arnalǵan jınaqtar da tamashalandy.
Kópshilikke merekelik kóńil-kúı syılaǵan sharaǵa aýdan ákimi Erlan Aıtahanov arnaıy qatysyp,mereıli merekemen quttyqtap,elimizdiń ertengi bolashaǵy bolyp sanalatyn búgingi búldirshinderimizdiń ónerlerin tamashalady.
Saltanatty shara barysynda el Táýelsizdigine arnalǵan arnaıy beınetaspany tamashalaǵan kópshilik Tuńǵysh Prezıdentimizdiń ótken ómir joldaryna taǵy da bir márte qanyǵa tústi.
Ó.Jánibekov atyndaǵy №4 jalpy orta lıseı-ınternatynda «Elbasy – eldiń tiregi» atty merekelik is-sharasy ótkizildi. Halqynyń qalaýymen 1991 jyldyń 1 jeltoqsanynda ótken jalpyhalyqtyq saılaýda basym daýyspen elimizdiń tuńǵysh Prezıdenti bolyp saılanǵan Elbasynyń ónegeli ómir joldary men jetken jetistikteri oqýshylardyń arnaý óleńderine arqaý bolyp, et júrekti eljireter patrıottyq ánder shyrqalǵan mazmundy is-sharada aýdan ákimi Erlan Aıtahanov jıynǵa qatysýshylardy aıtýly merekemen quttyqtap, jelkildep ósip kele jatqan jas býynǵa Memleket basshysynyń ǵıbratty isterin úlgi-ónege ete otyryp, áserli áńgime órbitti.
«Kemeńger Elbasy - yrysy elimniń» atty mádenıet saraıyndaǵy saltanatty jıyn búgingi mazmundy ótken barlyq is-sharalardy qorytyndylady.
Saltanatty jıyn «Kún beınesi» bı kompozısıasymen bastalyp, ashyq dep jarıalanǵan soń memlekettik Ánuran oryndaldy. Aýdan ákimi Erlan Aıtahanov otyrarlyqtardy merekemen quttyqtap, ár sala boıynsha aýdannyń áleýmettik-ekonomıkalyq damýyna ózindik úlesterin qosqan qyzmetkerler aýdan ákiminiń arnaıy Alǵys hattarymen marapattaldy
Merekelik jıyn aýdan ónerpazdarynyń konserttik baǵdarlamasyna ulasyp, kópshilikke kóterińki kóńil-kúı syılady.
