Sochidegi (RF) Qarjylyq qaýipsizdik jónindegi halyqaralyq olimpiada alańynda EAT-qa múshe memleketterdiń qarjy institýttarynyń komplaens-mamandary arasynda aqshany jylystatýǵa jáne terrorizmdi qarjylandyrýǵa qarsy is-qimylǵa baǵyttalǵan úzdik qarjylyq analizge arnalǵan konkýrs ótti.
Aýqymdy jarysqa Belarýs, Úndistan, Qazaqstan, Qyrǵyzstan, Resei, Tájikstan, Túrikmenstan jáne Ózbekstan elderinen kelgen qarjy monitoringi sýbektileriniń ókilderi qatysty.
Baiqaý usynylǵan jobalardy interaktivti talqylaý formatynda ótkizildi.
Aqshany jylystatýda jáne terrorizmdi qarjylandyrýda «droptar» qarsy is-qimyldyń kúrdeli tetikterin qoldana otyryp, úzdik qarjylyq analizge arnalǵan jumystar jáne olarǵa qarsy kúreste táýekelderdi basqarý júiesin qoldanýdyń úzdik úlgisi qaraldy.
Droptar-bul zańsyz áreketterden qarajat jinaý úshin qylmystyq shemalarǵa qatysatyn adamdar.
Qazaqstannan «ATAIX Eurasia ltd.» kriptobirja – kompaniiasynyń AML komplaensy Aidyn Muqashevtyń keisi usynyldy.
Jobada usynylǵan droptar men VPN-di qoldaný arqyly júzege asyrylatyn kúrdeli alaiaqtyq shemalardyń uiymdastyrýshylaryn anyqtaýǵa múmkindik beretin jańa tásilder sarapshylardyń qyzyǵýshylyǵyn týdyrdy.
Nátijesinde bul keisti Eýraziia keńistigine usynyp, otandyq tájiribe týraly jariialaý sheshimi qabyldandy.
Daýys berý qorytyndysy boiynsha qazaqstandyq keis konkýrstyń jeńimpazy bolyp tanyldy!
Sarapshylar qazaqstandyq jylystatýǵa qarsy júieniń AJ/TQQ salasyndaǵy jańa syn-tegeýrinder men qaýip-qaterlerge daiyndyǵyn joǵary baǵalady.
Eske sala keteiik, Qarjylyq qaýipsizdik boiynsha halyqaralyq Olimpiada aǵymdaǵy jyldyń 30 qyrkúiegi men 4 qazany aralyǵynda Sochide (RF) ótýde.
Oǵan álemniń 36 elinen 600 úzdik oqýshylar men stýdentter qatysady.
Qazaqstandyq komanda elimizdiń jetekshi joǵary oqý oryndarynan (QR BP janyndaǵy Quqyq qorǵaý organdary akademiiasy, IIM B.Beisenov atyndaǵy Qaraǵandy akademiiasy, Maqsut Narikbayev University, Turan Unversity, Jáńgir han atyndaǵy Batys Qazaqstan agrarlyq-tehnikalyq ýniversiteti) 10 stýdent pen magistranttardan turady.
