Nazym otbasyndaǵy úshinshi bala. Ol dúniege kelgende denesindegi sary daqqa ata-anasy da, dárigerler de asa mán bermepti. Alaida, perzenthanadan úige kelgeli bul sary daq tek úlkeie bergen. Dárigerlerge qaita kelip tekserilgende qoiylǵan diagnozdy estip eseńgirep qalypty.
«Nazym Serikbaiqyzynyń diagnozy: ót joldarynyń atreziiasy. Baýyrdyń ekinshilik biliarly tsirrozy, dekompensatsiia satysy, Child-Turcotte-Pugh boiynsha S klasy. PELD- 25 upai. TsMV infektsiiasy, manifest formasy. Balaǵa baýyr transplantatsiiasy kórsetiledi. Qujattar Qazaqstan Respýblikasy Densaýlyq saqtaý ministrliginiń jumys organyna shetelde kvota boiynsha emdelýdi qarastyrý úshin jiberildi», - dep jazǵan Syzǵanov atyndaǵy Hirýrgiia ulttyq ǵylymi ortalyǵynyń dárigerleri.
Ót joly biteý týylǵan balanyń kún óte baýyry múlde isten shyqqan, tolyqtai irip ketken. Sábidi aman alyp qalýǵa donor da tabylmaǵan.
Endi jas bosanǵan anasy táýekelge barmaq. Dárigerler anasynyń baýyryn kesip alyp, balaǵa salýǵa ruqsat bergen. Balasy men anasyna qatar jasalatyn ota Úndistannyń Deli qalasynda josparlanǵan. Otaǵa Syzǵanov atyndaǵy Hirýrgiia ulttyq ǵylymi ortalyǵy joldama bergen.
«Memleket tarapynan jasalatyn kómek tek Delidegi otaǵa ǵana berilip otyr. Jat elde úsh aiǵa sozylatyn emniń ózge de shyǵyndary bizdiń moinymyzda. Osy ýaqytqa deiin de az shyǵyn ketpedi. Úndistanda emdelý, otaǵa daiyndalý, jasatý bizge óte aýyr tiip otyr», - dedi Nazymnyń ákesi Serikbai Satybaldy.
Áieli men qyzyna birdei aýyr otany jasatý qarapaiym shashtaraz bolyp jumys isteitin Serikbaiǵa ájepteýir salmaq. Kútpegen qiyndyqqa tap bolǵan Nazymnyń ákesi qazaqstandyqtardan, janashyr jandardan kómek kútedi.
Kaspi Gold: 87079874087 Serikbai S.
Karta nomeri: 4400430133613304
