Ortaq maqsat – oqýshyǵa sapaly bilim, sanaly tárbie berý
Qaýipsizdik sharalaryna sáikes qorshalǵan ǵimarat aýlasyndaǵy kúzetshi kimge baratynymyzdy surastyryp, anyqtap alǵan soń, ishke kirýge ruqsat berdi. Mektep tabaldyryǵyn attaǵannan-aq, kezdesken kisilerdiń jyly júzben sálemdesýi, oqýshylardyń úlkenge jol berip, dálizderde qaqtyǵyspai tártip saqtaýy kóńilge jaǵymdy áser qaldyrdy.
Bizdi oqý isi jónindegi direktordyń orynbasary Mereeva Gýlnaz hanym litsei direktory Tamer Giýr myrzanyń qabyldaý bólmesine bastap bardy. Ortaq maqsat – oqýshyǵa sapaly bilim, sanaly tárbie berýdi kózdeitin qos mekemeniń qyzmetkerleri keleshekte birlesip atqaratyn jumys baǵdarymen tanysyp, bir-birine áriptestik kómek kórsetýge daiyn ekendigin bildirdi. Birlesip jumys jasaýǵa kelisim jasalyp, memorandýmǵa qol qoiyldy.
Sonymen qatar, úsh tildi bilim berý baǵytynda joǵary jetistiktermen erekshelengen litsei muǵalimderi tiimdi tájiribelerimen bólisý úshin oflain, onlain tártibinde seminar, treningter uiymdastyrǵa daiyn ekenin bildirdi. Kezdesý sońynda litsei basshylyǵy tarapynan «Órleýge» litsei muǵalimderiniń biliktilikti arttyrý kýrstaryna qatystyryp, kásibi quzyrettilikterin shyńdaýǵa usynys jasaldy.
Áńgime barysynda Tamer Giýr myrza: «Ustazdyń kásibi sheberligin shyńdaý baǵytynda uiymdastyrylatyn is-sharalar litseidiń oqý protsesine bóget bolmaýy qajettigin eskertip otyrdy. Shákirtiniń kedergisiz bilim alýyn qamtamasyz etýdi birinshi kezekke qoiatyn mekemeniń Halyqaralyq, respýblikalyq deńgeidegi joba qorǵaý saiystary men olimpiiadaǵa qatysqan oqýshylary júldeli oryndardy ielenip, tańdaýly júz mekteptiń arasynda 28 orynǵa shyǵýy mundaǵy osyndai talap pen tártiptiń nátijesi bolsa kerek.
«Órleý» Almaty. Baspasóz qyzmeti
