Táýligine 50 tonna sútti óńdeýge qaýqarly kásiporyn qaımaq pen aıran jáne balalarǵa arnap «Bórte Mılka» ıogýrtynyń 6 túrin shyǵaratyn bolady. Kásipkerdiń aıtýynsha, qazirgi tańda zaýyt iske qosylýǵa tolyqtaı derlik daıyn. Jumysyn bastaǵan kúnnen bastap shaǵyn fermerlerden de sút qabyldaı bastamaq. Olarmen kelisim-shart jasalady.
Kompanıa kesheni óńirdegi jalǵyz robottandyrylǵan sút-taýarly ferma bolyp sanalady. Ferma shvedtiń DeLaval kompanıasynyń eń zamanaýı tehnologıasyn qoldanyp soǵylǵan.
Mundaǵy barlyq jumysty derlik robottar atqarady - sıyrdy tazalap, saýady jáne turatyn ornyn tazalaıdy. Jemdeletin sıyrlardy salqyndatý júıesi, meteostansıasy bar jeldetkish júıesi, kúndizgideı jaryq júıesi, sıyrdyń toıǵanyn anyqtaý kameralary ornatylǵan.
Investısıa kólemi 2,4 mlrd teńgeni quraıdy. Munda Goldshteın Frız tuqymdas 700 sıyr bar. Árqaısysyna biregeı kody bar chıp ornatylǵan. Saýyn sıyr týraly aqparat jalpy kompúterge túsedi. Ár sıyrdan táýligine 30-40 lıtr sút saýylady. Osylaısha bir táýlikte shamamen 9 tonna sút jınalýda.
Osynaý jumystyń barysymen búgin oblystyq kásipkerlik, ındýstrıaldy-ınnovasıalyq damý jáne týrızm basqarmasy uıymdastyrǵan pres-týr barysynda BAQ ókilderi men blogerler tanysyp kórip qaıtty.
OQO ákiminiń baspasóz qyzmeti
https://dalanews.kz/31321
