Ordabasy aýdanyndaǵy mal sharýashylyǵynyń óndirisi 15 mlrd. 150 mln. 800 myń teńge, naqty kólem indeksi 101,5 paiyz, egin sharýashylyǵynyń ónimi 10 mlrd. 608 mln. 500 myń teńge, naqty kólem indeksi 107,3 paiyz jáne balyq sharýashylyǵy 90 mln. teńgeniń ónimi óndirilip, naqty kólem indeksi 100 paiyzdy qurady.
Úsh jaqty kelisim boiynsha 56 553 gektar jerge aýylsharýashylyq daqyldary egilip, jospar 102 paiyzǵa oryndaldy. Sonymen qatar, biyl sýarmaly jerdiń kólemi 1 423,8 ga-ǵa ulǵaityldy. Sharýalar tarapynan 63 dana tehnika jańartyldy. 9 aida josparlaǵan 18 gektar jylyjaidyń 14,39 gektary iske qosyldy.
Tamshylatyp sýǵarý ádisin engizý 700 gektarǵa josparlanyp, qazirgi tańǵa 721,02 gektarǵa engizildi, jospar 103 paiyzǵa oryndaldy. 9817 gektar tereń qopsytý boiynsha óńdelip, jospar 103,3 paiyzdy qurady. Aýdan kóleminde «Sybaǵa» baǵdarlamasymen qazirgi tańǵa 1 069 bas iri qara, «Altyn asyq» baǵdarlamasymen 2 635 bas qoi, «Qulan» baǵdarlamasy boiynsha 372 bas asyl tuqymdy jylqy alyndy.
Aýdanda mal men qus eti 2018 jyldyń toǵyz aiynda 17 myń 364 tonna óndirilip, ótken jyldyń osy merzimimen salystyrǵanda 102,2 paiyzdy, sút 35 myń 137 tonna óndirilip 102,1 paiyzdy, jumyrtqa 7 myń 877 myń dana óndirilip 100,1 paiyzdy qurady.
Ótken jyldyń osy merzimimen salystyrǵanda sharýashylyqtyń barlyq sanattary boiynsha iri qara mal sany 65 470 nemese 13,2 paiyzǵa, onyń ishinde siyr 36 341 bas nemese 28 paiyzǵa, qoi sany 361 383 nemese 12,6 paiyzǵa, eshki sany 15 022 nemese 11,8 paiyzǵa, jylqy sany 22 423 nemese 5,3 paiyzǵa túie sany 648 nemese 2,4 paiyzǵa jáne qustar sany 486 632 nemese 11,9 paiyzǵa artqan.
Túrkistan oblysy ákiminiń baspasóz qyzmeti
