Tańerteń Shymkent qalasynyń «Ordabasy» alańynan bastalǵan is-sharany oblys ákiminiń orynbasary Erbol Sadyr ashyp, Elbasynyń «Bolashaqqa baǵdar: rýhani jańǵyrý» atty maqalasynyń mańyzdylyǵyna toqtaldy. Sonymen birge, biylǵy «BILERGE TAǴZYM» velosherýine oblystyq, aýdandyq sottardyń sýdialary men oblys ákimdiginiń, «Nur Otan» partiiasy oblystyq filialynyń basshylary jáne jergilikti máslihat depýtattary men jastar, barlyǵy 120-dan astam adam qatysyp otyrǵanyn aitty.
Oblystyq sottyń tóraǵasy Nurserik Sháripov velosherýdiń bastalý tarihyna toqtalyp, búgingi shara Memleket basshysynyń maqalasynda aitylǵan rýhani jańǵyrýdy iske asyrýdyń naqty bir baǵyty dep aitýǵa bolatynyn jetkizdi.
Osydan keiin jergilikti máslihat depýtattary atynan Ó.Meldehanov pen «Nur Otan» partiiasy oblystyq filialy tóraǵasynyń orynbasary E.Daýylbaev sóz sóilep, qatysýshylarǵa sátti sapar tiledi.
Túske taiaý velosipedshiler respýblikalyq «Ulttyq tarihi-mádeni qoryǵyndaǵy» márege jetti. Olardy Ordabasy aýdanynyń basshylyǵy men aýyl turǵyndary saltanatty túrde qarsy aldy.
Odan ári Ordabasy taýyndaǵy «Birlik» monýmentinde jiyn ótip, aýdan ákimi Almasbek Mamytbekov velosherýge qatysýshylarǵa ulttyq qoryqqa qurmet kórsetkenderi úshin alǵysyn jetkizdi.
Ońtústik Qazaqstan oblystyq sotynyń baspasóz qyzmeti
