28 maýsym – Qazaqstan Respýblikasy Bailanys jáne aqparat qyzmetkerleri kúnine orai, Ońtústik Qazaqstan oblysynyń ákimi J.Túimebaev qaladaǵy birqatar jetekshi buqaralyq aqparat quraldarynyń jumysymen tanysty.
Eń aldymen aimaq basshysy «ERNUR» korporatsiiasynyń baspahanasynda bolyp, onyń jumysyn kórdi. Bul mekeme – baspa isimen qatar baspa ónimderin satý jáne taratýmen, tanymdyq baǵyttaǵy gazet-jýrnaldar shyǵarýmen ainalysady.
«ERNUR» korporatsiiasyna qarasty baspahanada búgingi tańda 80 gazet-jýrnal basylady. Olardyń qatarynda respýblikalyq «Egemen Qazaqstan», «Kazahstanskaia pravda», «Vremia, syndy bedeldi basylymdardyń Ońtústik aimaǵyna taraityn taralym men respýblika kólemine taraityn jergilikti basylymdar da basyp shyǵarylady. Iaǵni, baspa stanogy bir aida 4 millionǵa jýyq taralymdy basyp shyǵarady. 450-den astam adam jumyspen qamtylǵan baspahanada joǵary tehnologiialy stanoktar ornatylǵan.
Baspahanany aralap kórgen ákim medianaryqtaǵy básekege laiyqty jumys isteý ómir talaby ekenin aityp, jumystaryna sáttilik tiledi.
Munan bólek, ákim óńirdegi «Ońtústik Qazaqstan», «Iýjnyi Kazahstan», «Janýbii Qozoǵiston» gazetteri redaktsiialarynyń jumysymen tanysyp, jýrnalistermen tildesti.
Shyǵarmashylyq ujymmen bolǵan júzdesýde ákim basylym - memleketimizdiń tynys-tirshiligi men ainasy ekenin aityp, Elbasynyń saiasaty men «Bolashaqqa baǵdar:rýhani jańǵyrý» baǵdarlamalyq maqalasynyń oblysta keń kólemde nasihattalýyna úles qosqandary úshin alǵysyn bildirdi.
«Elbasymyz Nursultan Ábishuly Nazarbaev «Bolashaqqa baǵdar: rýhani jańǵyrý» atty baǵdarlamalyq maqalasynda jýrnalisterdiń egemendiktiń eleń-alańynan beri qozǵap júrgen memleketimizdiń bolashaǵy úshin barlyq mańyzdy taqyryptarǵa erekshe mán bergenin kórdińizder. Rýhani jańǵyrý, ulttyq jańarý syndy aýqymdy jumystardy atqarýda sizderdiń eńbekterińiz ben kómekterińiz aýadai qajet. Buqaralyq aqparat quraldary zamanaýi damý úderisterine sai qalyptasý kerek. Ol úshin iri mediaholding aiasyna toptasyp, aqparattyq báseke barysynda jańasha úlgide jumys isteýge kóshkenimiz abzal bolar»,- dedi ákim.
Óńirdiń intelegentsiiasynyń ósip, órkendeýine mol úles qosyp kele jatqan ujymdarǵa qoldaý kómek kórsetý qajettigin aitqan aimaq basshysy memlekettik úsh gazettiń ǵimaratyna kúrdeli jóndeý jumysyn júrgizýge tapsyrma beretinin aitty. Sonymen qatar, mediasaladaǵy tyń jańalyqtardan kósh qalmai, suranysqa qarai jumys jasaýdy jáne internettik jýrnalistikany da qolǵa alýdy atap ótti.
Sapary barysynda oblys ákimi 25 jyldyq tarihy bar «Otyrar» telearnasynda boldy. Onda «Sobkor» jaýapkershiligi shekteýli seriktestiginiń basshysy Kýlikova Valentina «Rabat», «Ońtústik Rabat» gazetteri men telearna jumysyn tanystyrdy. Sondai-aq, ol búginge deiin jetken jetistikterin baian etti.
Osy rette, ákim jańalyqtyń jarshysy bolyp júrgen telearna ujymyna alǵysyn bildirip, olarǵa jańa ideialar men jobalardy júzege asyrýda tabysqa jete berýlerin tiledi.
Osy kúni óńir basshysy 28 maýsym – Qazaqstan Respýblikasy Bailanys jáne aqparat qyzmetkerleri kúnine orai uiymdastyrylǵan merekelik sharaǵa qatysyp, aqparat salasy qyzmetkerleriniń kásibi merekesimen quttyqtady.
Merekelik sharada J.Túimebaev Ońtústiktiń qoǵamdyq-saiasi, áleýmettik-ekonomikalyq, mádeni ómirindegi jetistikterin nasihattaýǵa jáne oblys turǵyndarynyń birligin nyǵaitýǵa qosqan úlesi úshin birqatar jýrnalisterdi marapattap, tájiribe almasý maqsatynda Túrkiia eline óńirdegi bas redaktorlar men menshikti tilshilerge jalpy sany 20 adamǵa joldama berdi.
Aita keteiik, Ońtústik Qazaqstan oblysynda búginde jumys júrgizip jatqan buqaralyq aqparat quraldarynyń sany 258-ge jetip otyr.
