Ońtústik baý-baqsha otyrǵyzýdy qolǵa aldy
Óńir basshysy aldymen «Seitbek áýleti» men «Bastaý farm» JShS-nyń óndiris ornynda boldy. Bul kásiporyn farmatsevtikalyq qyzmetpen, dárilik ósimdikterdi jáne onyń shikizattaryn daiyndaýmen ainalysady. Jyldyq kólemi 3 myń tonna bolatyn daiyn ónimderdi ishki jáne syrtqy naryqqa eksporttap otyrǵan jobanyń quny 1 200, 0 mln. teńgeni quraidy. Munda búginde 40 adam jumyspen qamtylǵan.
Janseiit Qanseiituly munan soń «Ontinýr» jaýapkershiligi shekteýli seriktestiginiń 2,1 gektarǵa ornalasqan jylyjaiyn da aralap kórdi. «Kazagroqarjy» AQ arqyly qarjylanǵan bul jobanyń jalpy quny 143 mln. teńgeni quraidy. Búgingi tańda munda 30 adam turaqty jumyspen qamtylǵan. Jalpy aýdan boiynsha búginde 68,45 gektarda 84 jylyjai ornalasqan.
Al, «Green town south» JShS 16,5 gektarǵa qarqyndy baý egýdi júzege asyrýda. Oblys ákimi qarqyndy baýdyń aýmaǵyn keńeitý tapsyrmasyn júzege asyrý barysynda osy tektes sharýashylyqtardyń ádisin bólisý men taratý kerektigin atap ótti. Ordabasy aýdanynyń ákimi Almasbek Mamytbekov óńirdiń aýyl sharýashylyq damý qarqynyn baiandap, intensivti baý kólemin arttyrý isi kezeń-kezeńimen júzege asyrylatynyn jetkizdi. Qazirgi tańda atalmysh baýda almanyń «Golden Delishes», «Roial Gala» suryptary egilip, baptaýǵa alynǵan. Keshendegi qurylys jumystary 2017 jyldyń qyrkúiek-qazan ailarynda tolyǵymen aiaqtalmaq. Eger joba tolyq qýattylyǵyna kóshse, munda jylyna 1000 tonna jemis jinalatyn bolady. Jobalyq quny 140 mln. teńgeni quraityn baý kásipkerlerdiń jeke qarajaty esebinen júzege asyrylýda. Ordabasy aýdanynda búgingi tańda qarqyndy baý 452 gektarǵa jetti.
Sapar barysynda óńir basshysy jospardan tys Tórtkúl aýyl okrýginiń ortalyǵyndaǵy birqatar áleýmettik nysandardy aralap kórdi. Munda oblys ákimi aýyl ortalyǵyndaǵy kópqabatty turǵyn úilerdiń abattandyrý, kógaldandyrý, tazalyq jumystarymen tanysty dep habarlaidy OQO baspasóz qyzmeti.
