Aita keteiik, Jelide taraǵan videoda birinshi depýtattyń suraq qoiyp jatqanyn kórýge bolady. Onyń janynda otyrǵan májilis depýtaty Vladislav Kosarev kózin jumyp otyr.
Alaida onyń ne uiyqtap, ne qalǵyp otyrǵany belgisiz. Bul jaǵdaiǵa qatysty Senat depýtaty Murat Baqtiiaruly áleýmettik jelidegi videony kórgenin atap ótti.
"Videony kórdim. Onda depýtat uiyqtap otyrǵan joq. Ol kisiniń otyrysy sondai, 82 jastaǵy azamat qoi, ári kommýnistik partiia atynan sailaǵan májilis depýtaty. "Bir depýtat uiyqtap otyr" dep barlyǵyna kúie jaǵýǵa bolmaidy. Ár adam óz áreketine jaýap berýi kerek", - deidi ol.
Al májilis depýtaty Baqytgúl Hamenova áriptesteriniń áreketine qatysty pikir bildire almaitynyn jetkizdi.
"Videoda áriptesimiz Berik (Dúisembinov - avtor) emotsionaldy túrde sóilep jatyr. Onyń janyndaǵy adamnyń uiyqtap jatpaǵany yqtimal", - dedi depýtat.
Sondai-aq, taǵy bir májilis depýtaty Nurlan Álimjan videony kórgenin, biraq máseliniń mán-jaiyn bilmeitin aitty.
"Onda adam uiyqtap otyrǵan siiaqty. Biraq anyǵyn bilmedim. Bireýdiń artynan syn aita almaimyn", - dep jaýabyn qysqa qaiyrdy.
Májilis depýtaty Azat Perýashev áleýmettik jelidegi qyzý talqylanǵan videony kórmepti.
"Videony kórgen joqpyn. Qazir Arys qalasyna jumys saparymen keldim. Onda "Aq jol" partiiasynyń tóraǵasyn sailaǵaly jatyrmyz. Sondyqtan bul máselege qatysty pikir bildire almaimyn", - dep ol jaýabyn qysqa qaiyrdy.
Sonymen qatar, depýtattarǵa "mańyzdy jinalystarda basshylar men depýtattar uiyqtap ketýi múmkin be?" degen saýal qoidyq.
9 jyl senator qyzmetin atqaryp júrgen Murat Baqtiiaruly áriptesteriniń tátti uiqyǵa berilgenin kórmepti.
"Bul máselege qatysty jeke pikirimdi bildiremin. Árine, jinalys kóp, zań jobalaryn jii talqylaimyz. Májiliske jaýap bere almaimyn. Al senattaǵy áriptesterimniń arasynda uiyqtap ketetin, qalǵyp otyratyndardy kórgen joqpyn. Meniń bul qyzmette júrgenime 9 jyl boldy", - dedi ol.
Baqytgúl Hamenova bul máseleni adami faktorǵa teńedi.
"Bul adami faktor. Mundai jaǵdai kez kelgen adamnyń basynda bolýy yqtimal", - dedi depýtat. Al Azat Perýashev bul suraqqa qysqa jaýap berdi: "Bul tek adamnyń ózine bailanysty".
https://www.instagram.com/p/B7-FA8Pnfft/
