Qostanai oblysyna jumys sapary barysynda QR Premer-ministri Oljas Bektenov zaýyttar men kásiporyndardy aralap, óndiris basshylyǵy jáne ujymdarymen kezdesýler ótkizdi. Óńirdiń áleýmettik-ekonomikalyq damý perspektivalary, kadrlyq áleýetti arttyrý, infraqurylymdyq mindetterdi sheshý barysy talqylandy, - dep habarlaidy Dalanews.kz.
Sondai-aq biryńǵai ýaqyt beldeýine kóshý máselesine de nazar aýdaryldy. Sóz sóileýshilerdiń aitýynsha, biryńǵai ýaqyt beldeýin engizý máselesin Qostanai oblysynyń turǵyndary buryn da kótergen, óitkeni 6-shy ýaqyt beldeýi tabiǵi ýaqytqa sáikes kelmedi. Osylaisha, biryńǵai ýaqyt beldeýine kóshý týraly sheshim kúndelikti turmystyq protsesterdi jeńildetti. Osyǵan bailanysty kezdesýge qatysýshylar biryńǵai ýaqyt beldeýin qoldap sóz sóiledi.
Premer-ministr Oljas Bektenov turǵyndarmen áńgimelesý barysynda tabiǵi ýaqyttyń azamattardyń densaýlyǵy men ál-aýqatyna oń áseri ǵylymi dáleldengenine nazar aýdardy. 2017 jyly amerikalyq ǵalymdar toby adamnyń tsirkadtyq yrǵaǵyn zerttegeni úshin Nobel syilyǵymen marapattaldy, bul tabiǵi ýaqytqa sáikes ómir súrýdiń eń paidaly ekenin rastady. Osy jumystyń jáne basqa da ǵylymi zertteýlerdiń negizinde 2022 jyly 80-nen astam eldiń ǵalymdary men memleket qairatkerleri qol qoiǵan Barselona deklaratsiiasy qabyldandy.
Premer-ministr Qostanai oblysynyń turǵyndaryna jáne barlyq qazaqstandyqtarǵa osy mańyzdy sheshimdi túsinip, qoldaǵany úshin alǵysyn bildirdi.
«Sheshim Qazaqstanda ǵana emes, shetelde de júrgizilgen óte tereń ǵylymi zertteýler negizinde qabyldandy. 2017 jyly amerikalyq ǵalymdar toby adamnyń tsirkadtyq yrǵaǵyn zerttegeni úshin Nobel syilyǵymen marapattaldy. Bul zertteýde ǵalymdar tabiǵi ýaqytta ómir súrgen kezde adam úshin eń jaqsy jáne paidaly ekenin dáleldedi. Sondyqtan qazir álemniń progressivti elderi tabiǵi ýaqyt beldeýine kóshýge umtylýda.
Men biryńǵai ýaqyt beldeýine aýysý keibir adamdarǵa yńǵaisyzdyq týdyrýy múmkin ekenin túsinemin. Aǵza birtindep úirenedi. Osyndai sheshim qabyldandy. Eger óńirlerde qandai da bir qolaisyzdyqtar bolsa, bizdiń eńbek zańnamamyz múmkindik beretin infraqurylymdy, jaryqtandyrýdy, yńǵaily kesteni uiymdastyrý arqyly jumys isteý qajet. Osy máselelerdiń barlyǵyn ári qarai sheshetin bolamyz», - dep atap ótti Premer-ministr.🔵
Sondai-aq zaýyt ujymymen kezdesý barysynda Memleket basshysy jariialaǵan aldaǵy Jumysshy mamandyqtary jyly qarsańynda eńbek jaǵdailary jáne ózge de qoldaý sharalary máseleleri kóterildi.
