Ministrdiń sózinshe, Londonǵa sapary aiasynda tabysty jetistikterge qol jetkizgen.
"Tek bul ǵana emes, elimizdiń jetekshi joǵary oqý oryndarynyń basshylarynan quralǵan delegatsiiamen birge álemdegi eń bedeldi JOO-na arnaiy barýdyń reti keldi. Naqtyraq aitar bolsam, álemdegi biregei JOO sanalatyn Ulybritaniiadaǵy Oksford ýniversiteti arasynda ózara yntymaqtastyq bailanys ornatyp, ózara kelisimge qol qoidyq. Sonyń nátijesinde Oksford ýniversitetinde qazaq tilin oqytý qolǵa alynatynyn súiinshilep aitqym keledi", - dep jazdy ol.
Sonymen qatar, Saiasat Nurbek jas daryn Sanjar Taijanmen kezdesken.
"Osy sapar aiasynda men Qazaqstandyq Ilon Mask, jas ónertapqysh Sanjar Taijanmen kezdestim. Sanjardy men erterekten jaqsy bilemin. Esterińizde bolsa, Tesla uiymdastyrǵan Not-A-Boring Competition týrnirine qatysqan qazaq jigiti Sanjar Taijan men onyń komandasy usynǵan burǵy mashinasy Ilon Masktyń nazaryna ilikken bolatyn. Mine osyndai jas ǵalymmen júzdesip, suhbattasýdyń sáti túskenine men erekshe qýanyshtymyn", - deidi ministr.
Sýret: qazaqtv.com
