İs-sharaǵa Qazaqstan halqy Assambleıasy Tóraǵasynyń orynbasary, Qazaqstan Respýblıkasy Prezıdenti Ákimshiligi QHA hatshylyǵynyń meńgerýshisi M.Ázilhanov, "Vozrojdenıe" qoǵamdyq qory Qamqorlyq keńesiniń tóraǵasy A.Raý, Germanıa Federatıvtik Respýblıkasy Úkimetiniń qonys aýdarýshylar jáne az ulttardyń isteri jónindegi komısary B.Fabrısıýs, sondaı-aq Qazaqstan Respýblıkasy Syrtqy ister mınıstriniń orynbasary E.Álimbaev qatysty.
Qazaq-nemis ortalyǵynyń ashylý maqsaty-elimizde turatyn etnostardyń tilderin saqtaý jáne Qazaqstandaǵy barlyq etnostardyń etnıkalyq mádenıeti men dástúrlerin saqtaýǵa múmkindik beretin mádenı birlestikterge memlekettik qoldaý.
M.Ázilhanovtyń aıtýynsha, elimizdiń nemisteri basqa etnıkalyq toptarmen birge bizdiń kópultty Qazaqstannyń damýyna orasan zor úles qosyp otyr. Osylaısha, "Vozrojdenıe" qoǵamdyq qory ózinen burynǵylardyń dástúrlerin damytady, jańa shyǵarmashylyq jobalardy júzege asyrady, ulttyq mádenı jáne rýhanı muranyń saqtalýyna úlken úles qosady. Sondaı-aq, Qazaqstandaǵy azamattyq qoǵamnyń ómirine belsendi aralasý jáne qazaq-nemis qarym-qatynasyn damytý boıynsha úlken jumys júrgizilýde.
Táýelsizdiktiń alǵashqy kúnderinen bastap, bizdiń halyq Qazaqstannyń Tuńǵysh Prezıdenti - Elbasy Nursultan Ábishuly Nazarbaevtyń basshylyǵymen kelisýiniń negizi retinde qoǵamdyq kelisim men ulttyq birlikti tańdady. Táýelsizdik jyldarynda bizdiń elimiz áleýmettik, etnıkalyq jáne dinı nanymyna qaramastan barlyq azamattardyń quqyqtarynyń shynaıy teńdigin qamtamasyz etti - dep atam ótti M.Ázilhanov.
Sonymen qatar, is -sharaǵa qatysýshylar atap ótkendeı, sońǵy jyldary Qazaqstan men Germanıa arasyndaǵy ekijaqty qarym-qatynastar serpindi jáne jemisti damýda - turaqty saıası dıalog ornatyldy, saýda-ekonomıkalyq yntymaqtastyq nyǵaıyp, keńeıýde, berik quqyqtyq baza quryldy, mádenı -gýmanıtarlyq baılanystar keńeıýde.
Qazaq-nemis ortalyǵy ózara baılanys ornatatyn jańa orynǵa aınalady, nemis tilin, nemis halyqtyq dástúrlerin úıretý arqyly ulttyq biregeılikti saqtaýǵa jáne kópultty Qazaqstanda turatyn ár túrli etnostardyń jaqyndasýyna yqpal etedi, - dep qosty A.Raý.
