Eks-prezident Nursultan Nazarbaevtyń jieni Nuráli Áliev Almatydaǵy Ile Alataýy baýraiynda tańǵy serýen uimydastyrdy. Sharaǵa erte turyp, ózin-ózi damytýǵa qyzyǵýshylyq tanytqan bir top qatysýshy jinaldy, dep habarlaidy Dalanews.kz.
Kezdesý beiresmi tanysý ári pikir almasý formatynda ótti. Áliev SPARK OF LIGHT bastamasyn tanystyryp, jobanyń saiasatpen bailanysy joq ekenin atap ótti. Onyń sózinshe, bastama adamnyń rýhani damýyn tereńdetip, sanaly ómir saltyn qalyptastyrýǵa baǵyttalǵan.
Sondai-aq ol mahabbatty "Qudaidyń dirili" dep sipattap, bastamanyń basty maqsaty - oqý oryndarynda keńinen oqytylmaityn ómirlik bilim men tájiribeni kópshilikpen bólisý ekenin jetkizdi.
Eske salaiyq, buǵan deiin jýrnalist Azamat Erǵaliev Qazaqstanda koýching salasyna standarttar engizilgeni týraly málimdemelerden keiin Nuráli Álievuiymdastyrǵan is-sharanyń zańdylyǵyna kúmán keltirgen edi.
Onyń aitýynsha, jýyrda depýtattar men Úkimet ókilderi Qazaqstanda koýching qyzmetiniń standarttary bekitilgenin maqtanyshpen málimdegen. Alaida jýrnalist osy standarttarǵa Nuráli Áliev ótkizetin sharanyń sáikestigine qatysty birqatar naqty suraq qoidy.
«Nuráli Álievtiń bul is-sharasy naqty qandai standarttarǵa sai keledi?» – dep jazady Erǵaliev.
Sondai-aq ol Nuráli Álievtiń Qazaqstan aýmaǵynda mundai qyzmetpen ainalysýǵa quqyǵy bar-joǵyna nazar aýdardy. Jýrnalistiń sózinshe, koých nemese mentor retinde qandai bilim alǵany, qandai praktikalyq daiyndyqtan ótkeni, kásibi biliktiligi qalai rastalǵany ashyq aitylýy tiis.
Erǵaliev Halyqaralyq koýching federatsiiasynyń (ICF) sertifikatyna da arnaiy toqtaldy. Onyń aitýynsha, Úkimet dál osy ICF standarttaryna súiene otyryp, Qazaqstandaǵy koýching qyzmetiniń talaptaryn ázirlegen.
«Ol ICF – Halyqaralyq koýching federatsiiasynyń emtihanyn tapsyrdy ma, tiisti sertifikaty bar ma?» – dep suraq qoiady jýrnalist.
Sonymen qatar Erǵaliev oqyrmandarǵa da eskertý jasady. Onyń aitýynsha, eger azamattar osyndai kezdesýlerge qatysatyn bolsa, Qazaqstan Respýblikasynyń «Tutynýshylardyń quqyqtaryn qorǵaý týraly» zańy bar ekenin umytpaýy kerek.
«Aita keteiin, eger bireý bul kezdesýge baryp qalsa, tutynýshy retinde óz quqyǵyńyz bar. Áiteýir, “shift” bolmai qalǵan jaǵdaida kerek bolyp qalar», – dep túiindedi Azamat Erǵaliev.
