Astanadaǵy Nursultan Nazarbaev aralynyń jańa iesi kim? Bul týraly Orda.kz materialynda aityldy, - dep habarlaidy Dalanews.kz.
Aral týraly ne belgili?
«Jasyl» araly Esil aýdanynyń Esil ózeni boiynda ornalasqan. Keiingi 20 jyl boiy ol Nursultan jáne Bolat Nazarbaevtardyń menshiginde boldy.
"2022 jylǵy Qańtar oqiǵasynan keiin Nursultan Nazarbaev óz úlesin uly Taýmanǵa, al Bolat Nazarbaev úlesin uly Nurbol men qyzy Qundyzǵa syiǵa tartqan. Endi bul jerlerdiń iesi ózgerdi", - dep jazylǵan málimette.
2007 jyly ákimdik bul jer telimin Nazarbaevqa syiǵa tartqan. 2009 jyly araldyń bir bóligi inisi Bolat Nazarbaevqa ótti. 2010 jyldardyń basynan beri aral táýlik boiy politsiia kúzetinde.
Jan-jaǵy úlken qorshaýmen qorshalǵan aýmaqta jeke úiler, tikushaq alańy jáne jasandy orman bar.
Qazirgi jaǵdai
"Aral áli kúnge deiin qatań kúzette, biraq eks-prezident otbasy músheleri onda turyp jatqany týraly aqparat joq. Araldyń Nazarbaevtar iemdenbegen bóligin QR Prezident isteri basqarmasy ielengen", - dep jazylǵan málimette.
Degenmen jaqynda araldyń bir bóligi jańa menshik iesine ótken. Qoǵamdyq kadastr kartasyna sáikes Qundyz jáne Nurbol Nazarbaevtardyń úlesteri endi «Smart Investment» JShS-na tiesili.
Basylym málimetinshe, bul kompaniiany «Baitaý damý qory» qurǵan, ol Nursultan Nazarbaevtyń qorynyń qurylymyna kiredi.
"Osylaisha jer telimi qaitadan Nursultan Nazarbaevtyń yqpalynda qalǵan. Kadastrlyq karta boiynsha ýchaskeniń qalǵan bóligi jeke tulǵaǵa tiesili. Onyń kim ekeni belgisiz, biraq bul tulǵa Taýman Nazarbaev bolýy múmkin", - dep jazdy basylym.
