Elbasynyń baspasóz hatshysy Aidos Úkibai Twitter paraqshasynda: «Saiasi keńestiń keńeitilgen otyrysynda Nursultan Nazarbaev «Nur Otan» partiiasynyń Tóraǵasy ókilettigin tapsyrý týraly sheshim qabyldai otyryp, partiiany el Prezidenti basqarýy kerektigin atap ótti. Ókilettikti berý rásimi partiia jarǵysyna sai júzege asatyn bolady» dep aqparatpen bólisken.
Onyń aitýynsha, partiia basshysynyń ókilettigin tapsyrý jumysy partiia jarǵysy boiynsha atqarylady. Partiia jarǵysyna sáikes, tóraǵany sailaý jáne qyzmetinen bosatý máselesi sezde qaralady.
Búginde «Nur Otan» partiiasy elimizdegi jetekshi saiasi uiym. 1999 jyly qurylǵan uiymdy uzaq jyldar boiy Nursultan Nazarbaev basqarǵan bolatyn.
2019 jyly 19 naýryzda Qazaqstannyń tuńǵysh prezidenti respýblikalyq telearnalar arqyly halyqqa úndeý joldap, óz erkimen otstavkaǵa ketetinin málimdedi.
Sol kezde Nazarbaev joǵary memlekettik laýazymnan ketse de, Qaýipsizdik keńesi men Nur Otan partiiasynyń tóraǵasy bolyp qalatynyn aitty. Konstitýtsiialyq keńestiń múshesi bola beredi. Sondai-aq Qazaqstan halqy assambleiasyn basqarady.
