Soǵys oty tutanǵaly beri Ulybritaniia Ýkrainaǵa tankke qarsy qoldanatyn NLAW qarýy men Starstreak dep atalatyn zenitti zymyrandaryn jibergen.
Al Amerika bolsa, tankterdi talqandaýda taptyrmaityn áigili Javelin men Stinger zenittik zymyrandaryn Ýkraina áskerine tabystaǵanyn bilemiz. Osylaisha bir ǵana AQSh-tyń Ýkrainaǵa jetkizgen qarýy 3 mlrd dollarǵa jetken.
Irgedegi Slovakiia bolsa joiǵysh áskeri ushaqtardy 400 shaqyrym jerden atyp túsiretin S-300 áýe qorǵanysy keshenin jetkizip beripti. Túrkiianyń «Bairaqtary» maidan ótinde orys áskerine aýyr soqqylar berýdi.
Chehter T-72 tankteri men BTR-der jibergenin aita ketýimiz kerek. Budan basqa AQSh, Ulybritaniia, Kanada jáne Gollandiia aýyr artilleriialyq qarýlaryn beretin boldy.
Belgiia, Polsha, Estoniia, Latviia, Daniia, Ispaniia men Slovakiia elderi túrli áskeri tehnika, oq-dári, janarmai men azyq-túlikti úzdiksiz jetkizýde.
