Sanktsiia qyspaǵynda qalǵan Resei úkimeti odaqtas eldermen aradaǵy alys-beris, barys-kelisti údete túsýge qulyqty. Kreml Qazaqstandaǵy yqpalyn joǵalta qoimaǵan orys aýditoriiasynyń órisi keńeie túskenin qalaidy. Demokratiiaǵa bet bura bastaǵan kórshisi "orys áleminiń" qundylyqtarynan teris ainala ma dep qaýiptenedi. Máskeý úshin orys tiliniń qoldanystan, suranystan qalmaýy – basty múdde.
Osyny meńzegen Mishýstin Smaiylovpen júzdesýde mádeni-qoǵami baǵyttaǵy áriptestikke kóbirek mán berdi.
"Biz mádeni-gýmanitarly saladaǵy qarym-qatynasymyzdyń qarqyn alǵanyn qalaimyz. Qazaqstanda reseilik JOO-lardyń bólimshesin ashý boiynda qyzý jumys júrip jatyr. Aldaǵy ýaqytta Almatyda Máskeý injenerlik-fizikalyq institýtynyń filialy ashylady.
Odaqtasymyz orys tiline airyqsha qurmetpen qaraidy, osyndaǵy orystildi aýditoriianyń órisi tarylmaýyna muqiiat mán beredi, orys tiliniń resmi til degen dárejesi bar.
Qazaqstan osynda saparlap keletin bizdiń azamattar úshin erkin pikir almasatyn orystildi orta qalyptastyryp, kásibi bailanystar ornatýǵa múmkindik berip otyr. Orys tili mádeni áriptestik ornatýǵa dáneker bolyp, eki eldiń arasyn jaqyndastyra túsýde, – deidi Mishýstin.
Byltyrlary baspasóz ókilderine suhbat bergen Pýtin de osy sarynda sóilegen edi. Qazaqstanǵa "tolyq maǵynasynda oryssha sóileitin el" dep baǵa bergen Kreml kósemi:
– Bizde (Resei men Qazaqstan arasynda – red.) óte tereń gýmanitarlyq bailanys bar. Orys tilin saqtaýǵa jáne damytýǵa muqiiat qarap otyrǵany úshin Qazaqstan basshylyǵyna erekshe alǵys aitamyn. Qazaqstanda qansha adam orys tilin úirenip jatqanyn ózderińiz de bilsizder. Ol – tolyq maǵynasynda orys tilinde sóileitin el. Orys tilinde oqytatyn mektepterdiń, (reseilik) joǵary oqý oryndary filialdarynyń sany artyp keledi, olarǵa konkýrs ta kóp, – dep málimdegen-tuǵyn.
Mishýstinniń aitýynsha, Qazaqstan men Resei Eýraziialyq odaqtyń jumysyn júrdektetip, burynǵyǵa qaraǵanda qaýyrt qimyldaýda. Buǵan tipti Batys sanktsiialary da kedergi keltire almaýda. Sarapshylardyń pikirinshe saýda-sattyqpen ainalysatyn keńistigi tarylǵan Reseidiń óz ónimderin odaqtas elderdiń naryǵyna tyqpalaýdan ózge joly joq. Muny Mishýstin de rastap otyr.
Eki el arasyndaǵy saýda-sattyqtyń óristeýine kedergi keltiretin biýrokratiianyń kózin qurtý kerek, qamaldardy qulatyp, ortaq naryq, ortaq ekonomika qalyptastyraiyq. Qyzmet túrleri, taýar ainalymy, kapitaly aýdarymy, adam kúshimen almasý biz úshin qalypty qubylysqa ainalýy tiis.
Osylaisha Batys pen AQSh-qa moiynsunbaityn, derbes infraqurylym qalyptastyramyz. Bizdiń kásipkerler Batystyń sanktsiialary men arandatýynan qorǵalatyn bolady.
Eýraziialyq integratsiianyń jemisin jep, qyzyǵyn kóretin kezeńge keldik. Odaq aiasyndaǵy bailanystardy tereńdete túsýge tiispiz. Bizdiń qushaǵymyz ashyq Álihan myrza, sizderden jaýap kútemiz, odaqtyń tamyryna qan júgirtetin kez-kelgen usynysty talqylaýǵa daiynbyz, – dedi Mishýstin.
