Óńirde ata-analardyń chatynda bilim bóliminiń basshysy qol qoiǵan qujat tarady.
Munda 12 jastan asqan balalarǵa koronavirýs infektsiiasyna qarsy ekpe salý jumystary josparlanǵandyǵy jazylǵan.
Osyǵan orai bilim bólimi balalardyń aty-jóni, týǵan jyly týraly málimetti jinaýdy buiyrypty. Bul týraly Dalanews.kz “Informbiýro” jańalyqtar baǵdarlamasyna silteme jasap habarlaidy.
Sanitarlyq epidemiologiialyq ortalyqtyń aýdandyq bilim bólimine jibergen hatynda 12 jastan asqan oqýshylardyń virýsqa qarsy dári saldyrý kestesi ázirlenýi kerektigi aitylǵan. Biraq bul buiryq sol kúii bilim oshaqtaryna taratylmaǵan kórinedi.
7-shi qyrkúiekte jazylǵan sanitar mamandardyń qujatynda tapsyrma 9-y kúni oryndalýy qajet dep kórsetilgen. Iaǵni, oqýshylardyń kestesi eki kúnnen keiin saqadai-sai daiyn turý kerek edi.
Al Jalaǵash aýdandyq bilim bólimi bul nusqamany asa shuǵyl dep, erekshe belgilep, mektep direktorlaryna ázirlegen. Biraq oblystyq bilim basqarmasynyń basshylyǵy hat mektepterge jiberilgen joq dep aqtaldy.
“Qazir eshqandai bilim berý uiymdaryna eshqandai tizim jasap jatqan joq. Halyqtyń qorqatyndai eshqandai, bul jerde oryn alǵan joq. Dereý shara qoldanyldy”, – deidi Qyzylorda oblystyq bilim basqarmasynyń basshysy Aqzira Qasymova.
Sheneýnikke tártiptik shara qoldanylady.
Al Jalaǵash aýdanynyń bas sanitary ministrlikten osyndai asa shuǵyl degen arnaiy hat kelgenin moiyndap otyr.
Onda ekpe alatyn 12 jastan asqan oqýshylardyń barlyq málimeti jinaqtalǵan keste basshylyqqa jetýi tiis bolǵany aitylady.
https://www.youtube.com/watch?v=SBSn-iU1h-M&list=PLn2OyECVOtB98Ah4z28ogwyH5hhoh0Mlr&index=15
