Densaýlyq saqtaý ministrligi jedel járdem jumysy týraly qaýly jobasyna qatysty túsinikteme berdi, dep habarlaidy Dalanews.kz.
Elimizdiń densaýlyq saqtaý ministrligi jedel járdem erejelerine túzetýler jobasyn daiyndaǵan edi. Onda endi jedel járdem shuǵyl emes shaqyrtýlarǵa túnde barmaityny aitylǵan.
Ministrliktiń resmi ókili Áigerim Orazalieva jedel meditsinalyq kómek kórsetý qaǵidalaryna ózgerister engizý týraly qaýly jobasynyń mazmuny qate túsindirilgenin atap ótti.
Resmi ókildiń sózinshe, , jedeldikti jaqsartý maqsatynda IV sanattaǵy shaqyrýlardy jumys ýaqytynda alǵashqy meditsinalyq-sanitarlyq kómek kórsetetin mobildi brigadalarǵa tapsyrady.
"Burynǵydai 103 nómirine qońyraý shalý arqyly barlyq patsient shaqyrtý sanatyna qaramastan tolyq kólemde meditsinalyq kómek alady. Keshki jáne túngi ýaqytta, sondai-aq demalys kúnderi barlyq sanattaǵy shaqyrtýǵa jedel kómek brigadalary qyzmet kórsetedi. Osylaisha, halyq úshin eshteńe ózgermeidi, birde-bir shaqyrtý nazardan tys qalmaidy jáne patsientterge qyzmet kórsetýdiń jedeldigi men sapasy odan ári jaqsarady", - dedi Áigerim Orazalieva Sputnik.kz-ke bergen jaýabynda.
Buǵan deiin densaýlyq saqtaý ministrligi shuǵyl meditsinalyq kómek kórsetý erejelerine ózgerister men tolyqtyrýlar engizilgen qaýly jobasyn ázirlegenin habarlaǵan edik.
