"Maǵan Dariǵa Nursultanqyzy Nazarbaeva men onyń basshylyǵyndaǵy Senattyń halyqaralyq ister komiteti bizdiń
Jer týraly zań jobamyzdy qabyldaýǵa qarsy shyqqany týraly aqparat jetti.
Olar bul zań jobasyn Úkimetke qaitarmaqshy, bul taǵy bir jyl jumys isteý kerek degen sóz. Eger biz 1,5 jyldan beri bul zańdy qabyldai almaǵanymyzdy eskersek, munyń bári astyrtyn áreketke uqsap tur.
Eger solai bolsa, demek
bilik Jer komissiiasynda halyq aldynda moinyna alǵan mindettemelerin oryndaǵan joq.
Bul zań jobasy Úkimette emes, Dariǵa Nursultanqyzy, Sizdiń ákeńiz, QR prezidenti N.Á.Nazarbaev qurǵan Jer komissiiasynda dúniege keldi", — deidi M.Taijan.
Qoǵam qairatkeri bul zań jobasynda antilatifýndistik sharalar qarastyrylǵanyn, óitkeni ol halyqqa kópten kútken jaiylymdardy jáne latifýndisterdiń jeri esebinen 10 sotyq berýdi kózdeitinin atap ótti. Sondyqtan bolsa kerek, bul zań jobasyn Májiliste qabyldaityn kezde oǵan qarsy naýqan uiymdastyrylǵany baiqalyp qalǵan.
"Endi mine, Dariǵa Nursultanqyzy, ony Senatta qabyldaýǵa qarsy bolyp otyrsyz. Oǵan ne sebep? Ókinishke qarai, Senat Májilis sekildi qoǵam qairatkerlerimen birlesken jumys tobyn qurǵan joq. Sondyqtan men 2016 jylǵy Jer komissiiasy quqyqtyq jumys tobynyń jetekshisi retinde Sizge merekeden keiin kezdesip, bul zań jobasyna qatysty máselelerdi sheshýdi usynamyn", — dep tolyqtyrdy ol.
"Eger Siz 2016 jylǵy Jer komissiiasynyń hattamalyq sheshimine túbegeili qarsy bolsańyz, nelikten ekenin túsindirińizshi. Jaýap kútemin", — dep túiindedi Taijan.
derekkóz: sputniknews.kz
https://www.youtube.com/watch?v=L8AoMihfpys
