Myńǵyrtyp mal aidaǵan Madiiar
Oblys ákiminiń orynbasary Jaqsylyq Omar arnaiy qatysqan jiynǵa 17 nominatsiia boiynsha úzdikter anyqtaldy. Sol úzdikterdiń qatarynan jerlesimiz de tabyldy. Iaǵni, «Madiiar» sharýa qojalyǵynyń jetekshisi Áýelbaev Madiiar «Úzdik jas aýylsharýashylyǵynyń mamany» nominatsiiasyn jeńip aldy. Elbasy Joldaýlarynda aitylǵan agrarlyq sektorda etti mal sharýashylyǵyn damytý úshin 2002 jyly irgesin kótergen sharýashylyq iri qara malynyń eksporttyq áleýetin kóterýdi kózdeidi.
Istiń kózin taýyp, memlekettik baǵdarlama arqyly berilip jatqan nesieniń de nátijesin kórýde. 2014 jyly aýylsharýashylyǵyna qarjylai kómek beretin «Sybaǵa» baǵdarlamasy boiynsha «Agrarlyq nesie korporatsiiasy» AQ-nan 48 mln. teńge nesie alyp, 242 bas siyr satyp alǵan. Mańdai terimen óz nesibesin taýyp otrǵan jas kásipker osyndai múmkindik berip otyrǵan memleketke riza.
– Búginde 800 bas siyr, 242 bas jylqy, 1000 qoi bar sharýashylyqta 35 adamdy jumyspen qamtyp otyrmyz. 2015 jyly bordaqylaý alańynyń qurylysyn aiaqtadyq. Ata kásibimizdi damytý jolynda aianyp qalmaq emespiz. Mal basyn kóbeitip, eńbektiń jemisin eselei berý – bizdiń sharýashylyqtyń alǵa qoiǵan maqsaty, – deidi M.Áýelbaev.
