Memlekettik strategiia joq. Ulttyq múddeni qorǵai almai otyrmyz – Toqaev
Toqaev syrtqy saiasatty halyq únine qulaq asatyn memleket tujyrymdamasyna sai júrgizý kerek ekenin atap ótti.
"Qazir Qazaqstannyń syrtqa baǵyttalǵan jumysynda birtutas, jalpy memlekettik strategiia joq deýge bolady. Bul júieli sipattaǵy másele", – dedi memleket basshysy.
Ol syrtqy ister ministri úkimette erekshe mártebege ie bolyp, premer-ministrdiń orynbasary deńgeiine kóterilgenin eske saldy. Osyǵan orai syrtqy ister ministrligi tyǵyz mekemearalyq úilestirý jumysyn atqarýy kerek, dep tolyqtyrdy Toqaev.
"Memlekettik apparat ishindegi bailanys, ózara yqpaldastyq álsiz. Jekelegen mekemelerdiń múddesine basymdyq berilip jatady. Bul birazdan beri jalǵasyp kele jatqan teris úrdis. Sonyń kesirinen eleýli kemshilikter bolyp jatady. Oǵan qosa, ulttyq múddeni qorǵaityn kezde tiimdi jumys atqarylmaidy.
Mysaly qazir Jaiyq ózeni tartylyp barady. Qazaqstanǵa joldanǵan júk Qytai shekarasynda turyp qaldy. Bizdiń kásipkerlerdiń kórshi elder naryǵyndaǵy múddesi oidaǵydai qorǵalmai otyr", – dedi prezident.
Aitýynsha, osyndai keleńsizdikter halyqtyń turmys sapasyna jáne kóńil kúiine keri áser etedi.
