Úlken kompaniialar tender arqyly otandyq ónim dep kórsetip, biraq Qytaidyń ónimin arzan baǵaǵa alyp kelip, emblemasyn aýystyryp, memleketti aldap otyr. Mundai kúmándi shemalarǵa quzyrly organdar nege kóz juma qarap otyrǵanyn nege kórsetpei otyrǵanyn aldaǵy ýaqyttary biletin bolamyz.
Aigúl Orynbek osy máselege qatysty jasaǵan zertteýin kórsetti.
"Samuryq-Qazyna" AQ saityn ashamyz. Birinshi kózge túsken lot Qazaqstan temir joly ulttyq kompaniiasynyń satyp alýy. Alyp kompaniia elimizdiń segiz óńirine jalpy somasy 185 024 000 teńgege ashyq konkýrs jariialaǵan. Naqty aitar bolsaq 18 dana jyljymaly elektrstantsiiasyn, qarapaiym tilde aitqanda generator satyp almaq bolǵan.Mundaǵy basty talap belgili bir brendti, iaǵni Ameco industrial-dy jetkizý kerek. Osy tusta másele týyndaidy", - deidi Aigúl Orynbek.
"Sebebi elimizde otandyq óndirýshige artyqshylyq beriledi. Konkýrsqa qatysýshy kompaniialardyń óndirýshi oryndaryn izdegen olar eshqandai zaýyt emes, jai ǵana turǵyn úi páterde tirkelgen. Al jai páterde generator óndirilmeitini málim", - deidi zańger.
Onyń sózinshe, osyndai tásil arqyly belgili bir kompaniialar Qytaidan árqaisy 200-300 myń teńge turatyn generatorlardy alyp kelip, Qazaqstanda qurastyrylǵan dep kórsetip, memleketke 1,5 million teńgege ótkizip otyrǵan.
"Mysaly Qazaqstan temir joly bir generatordy 1 516 000 teńgege konkýrsqa shyǵarǵan. Ashyq derekterde osy somma boiynsha 55 million teńge jetkizýshige aldyn ala tólem retinde aýdarylyp ketkeni kórsetilgen. Bul taýardyń baǵasy basqa saittarda 359 000 teńge, al taǵy bir basqa saitta 200 myń teńge shamasynda tur. Bir generatordy birneshe ese joǵary kórsetip, satyp alyp otyrsa, ulttyq kompaniialar memlekettik ashyq tonap otyr degen sóz emes pe? Bul bir ǵana mysal", - deidi Aigúl Orynbek.
Zańger ulttyq kompaniialardyń ishinde aldyn ala kelisip alǵan tenderler júrip jatqanyn aitty.
"Al tenderge qatysyp júrgen deldal kompaniialar naqty taýar óndirýshi emes, jai ǵana ústinen paida kórip otyrǵan biznes qurylymdar. Olar ónimniń otandyq ekenin dáleldeitin qaǵazyn rettep alyp, memlekettik satyp alýda sybailastary arqyly jeńiske jetip otyrady. Eń qiyny bulardy eshkim tekserip otyrǵan joq. Nege shara qoldanylmai otyr? Ádiletti Qazaqstan desek eń aldymen júiedegi osyndai bylyqtarǵa úńilý kerekpiz", - deidi zańger.
