Eske sala ketsek, búgin Qazaqstan aýmaǵynda qurylǵan barlyq saılaý ýchaskesinde daýys berý júrip jatyr. Depýtattardy saılaý boıynsha daýys berý Qazaqstan Respýblıkasynyń aýmaǵynda jáne odan tysqary jerde qurylǵan 10 060 saılaý ýchaskesinde júrgizilýde.
Saılaý komısıalary daýys berý orny men ýaqyty týraly der ýaqytynda aqparat berdi. Elorda ýaqytymen saǵat 08.00-de jaǵdaı boıynsha elimizdegi 9 994 saılaý ýchaskesinde jáne shet memleketterdegi qazaqstan ókildikteri janyndaǵy 17 saılaý ýchaskesinde daýys berý bastaldy.
Konstıtýsıalyq merzimge saı ótip jatqan Májilis saılaýyna elimizde tirkelgen 5 saıası partıa, atap aıtqanda, «Aýyl» halyqtyq-demokratıalyq patrıottyq partıasy, «Nur Otan» partıasy, «ADAL» saıası partıasy, Qazaqstannyń «Aq jol» demokratıalyq partıasy, «Qazaqstannyń Halyq partıasy» depýtattyq mandattan úmitti. Bul partıalar barlyq deńgeıdegi jergilikti máslıhattarǵa da óz kandıdattaryn usynǵan.
Májiliske 5 partıadan barlyǵy 312 kandıdat, onyń ishinde: «Aýyl» halyqtyq-demokratıalyq patrıottyq partıasynan 19; «Nur Otan» partıasynan 126; «ADAL» saıası partıasynan 16; Qazaqstannyń «Aq jol» demokratıalyq partıasynan 38 jáne «Qazaqstannyń Halyq partıasynan» 113 adam bar.
Al jergilikti máslıhattarǵa 832, onyń ishinde «Aýyl» HDPP-nan – 158, «Nur Otan» partıasynan - 216, «ADAL» SP-nan – 215, «Aq jol» QDP-nan – 174, «Qazaqstan Halyq partıasynan» 69 partıalyq tizim tirkeldi.
