Bul habarlama astyna pikir qaldyrýshylar munyń ata-analardyń balalaryn vaksınasıalaýǵa yntalandyrý úshin jasalyp jatyr degen oı bildiredi.
Qazaqstan Respýblıkasy Densaýlyq saqtaý mınıstrligi Sanıtarlyq -epıdemıologıalyq baqylaý komıtetiniń ókili bul habarlamanyń jalǵan ekenin málimdedi.
"Ótken jyly bilim berý uıymdarynda dezınfeksıalyq tonnelder alynyp tastaldy. Olar ornynda tursa da, jumys istemeıdi. Oǵan tyıym salynǵan.
Bir ǵana shart – mektepterde dezınfeksıalyq tósenishter bolýy kerek. Balaǵa tikeleı eshteńe búrkimeıdi.
Mektepterde qatań baqylaýdan ótken jáne sertıfıkattalǵan antıseptıkter bar. Olar eshqandaı aýrý juqtyrmaıdy.
Eger ata-analar balanyń ortaq antıseptıkti qoldanýyn qalamasa, ony jeke sanıtaızermen qamtamasyz etýge ruqsat etiledi, – dep túsindirdi vedomstvonyń resmı ókili Erjan Baıtanaev stopfake.kz saıtyna.
