Qazaqstanda mektep direktorlaryn taǵaiyndaý júiesin ózgertý josparlanyp otyr, dep habarlaidy Dalanews.kz.
Endi direktorlar birden uzaq merzimge emes, aldymen eki jylǵa bekitiledi. Eger osy kezeńde mekteptegi bilim sapasy, oqýshylardyń nátijesi, qaýipsizdik pen pedagogterdiń kásibi deńgeii jaqsarsa, basshyǵa taǵy eki jyl jumys isteýge múmkindik beriledi.
Bul bastama týraly Oqý-aǵartý ministri Juldyz Súleimenova 14 qańtar kúni ótken Oqý-aǵartý jáne balalardyń quqyqtaryn qorǵaý jónindegi qoǵamdyq keńes otyrysynda aitty. Ministrdiń sózinshe, bul tásil mektep basshylarynyń naqty nátijege jumys isteýin talap etetin tetikke ainalýy tiis.
Jańa mehanizm ministrlik deńgeiinde buiryq retinde bekitilip qoiǵan.
Qazirgi tártip boiynsha mektep direktorlary birden tórt jylǵa taǵaiyndalady. Alaida is júzinde bul júie tolyq jumys istemeidi: keibir mektepterde direktorlar ondaǵan jyl boiy aýyspai otyrǵan. Buǵan deiin ministrlik mundai jaǵdailardyń bar ekenin resmi túrde moiyndaǵan.
