QR Aqparat jáne qoǵamdyq damý mınıstrliginiń qoldaýymen 4 respýblıkalyq telearna, 14 aımaqtyq arna jáne 4 radıony biriktirgen BAQ salasyndaǵy eń iri medıaqurylym «Qazaqstan» teleradıokorporasıasy televızıa jáne radıo salasynyń mamandaryn daıarlaýdy qolǵa aldy, – dep habarlaıdy Dalanews.kz.

İrikteýge elimizdegi JOO-nyń jýrnalısıka, medıatehnologıa, kıno jáne televızıa fakúltetiniń stýdentterinen 103 ótinim kelip tústi. Onyń ishinen 35 stýdent tańdaldy.

– Medıamektep stýdentterge bilim alyp, tájirıbe shyńdap qana qoımaı, bolashaqta óziniń qyzmet atqaratyn naqty baǵytyn aıqyndaýǵa múmkindik beredi, – dedi Basqarma tóraıymy Lázzat Tanysbaı.

Qatysýshylar alty aı boıy «Qazaqstan», «Qazsport», «Abai TV», «Balapan» telearnasy jáne «Qazaq radıolary» JSHS mamandarynan shyǵarmashylyq jáne tehnıkalyq baǵytta aqysyz negizde bilim alady.

Medıamekteptiń eń úzdik qatysýshylary alǵashqy eńbek jolyn «Qazaqstan» teleradıokorporasıasynda bastaýǵa múmkindik alady.