Qazaqstan jýrnalister odaǵynyń tóraǵasy, "Ulttyq baspasóz klýby" qoǵamdyq qorynyń prezidenti Seiitqazy Mataev pen onyń uly QazTAG agenttiginiń bas direktory Áset Mataev ustaldy dep málimdedi búgin Almatyda Ulttyq baspasóz klýbynda ótip jatqan jiynda "Ádil sóz" baspasóz quqyǵyn qorǵaý uiymynyń jetekshisi Tamara Kaleeva.
Kaleevanyń sózinshe, Seiitqazy Mataev pen Áset Mataev búgin tańerteń "Ulttyq baspasóz klýby men QazTAG agenttigine qatysty jaǵdai" týraly baspasóz konferentsiiasy bastalmai turyp ustalǵan. Olar osy jiynda sóileýi tiis bolǵan.
Jiynda sóilegender Seiitqazy Mataev pen Áset Mataev "kóp mólshede memleket qarjysyn jymqyrdy" degen kúdikke ilingenin aitty. Seiitqazy Mataev buǵan qosa Almatydaǵy "Ulttyq baspasóz klýbyn zańsyz rekonstrýktsiialady" degen de kúdikke ilingen.
"Istiń máni olardy qýdalaýdyń shynaiy maqsaty ashyq dialog alańy - Ulttyq baspasóz klýbynyń qyzmetin shekteý, QazTAG materialdarynyń mazmunyna jasyryn túrde memlekettik baqylaý jasaý jáne Qazaqstan jýrnalister odaǵynyń qoǵamdyq belsendiligin tómendetý degen uiǵarym jasatyp otyr" delingen jiynda taratylǵan málimdemede. Onda Mataevtardyń ózderine taǵylǵan aiypty moiyndamaityny jáne kinásiz ekenderin dáleldeýge daiyn ekendigi aitylady.
Keiinnen Áset Mataev bosap shyqqany belgili boldy. Ol "Azattyq" radiosyna bergen suhbatynda ákeli-balaly Mataevtradyń isine "biliktegi yqpaldy adamdardyń" aralasyp otyrǵanyn, "Ulttyq baspasóz klýby" men KazTAG-ty tartyp alý oilary bar ekenin málimdedi. Úlken Mataev áli bosaǵan joq.
