Qasym-Jomart Toqaev Resei Federatsiiasy Úkimeti Tóraǵasynyń birinshi orynbasary Denis Mantýrovty qabyldady, dep habarlaidy Dalanews.kz.
Kezdesýde Qazaqstan Prezidentiniń Máskeýge jasaityn memlekettik sapary aiasynda qaralatyn kópjosparly yntymaqtastyqtyń basty baǵyttary talqylandy.
Qasym-Jomart Toqaev aldaǵy saparǵa erekshe mán berip otyrǵanyn jáne kelissózderdiń tabysty ótetinine senimdi ekenin jetkizdi.
Memleket basshysy eki el úkimetteriniń belsendi ári úilesimdi jumysynyń arqasynda Resei Qazaqstannyń jetekshi saýda-ekonomikalyq seriktesteriniń biri bolyp qala beretinine toqtaldy.
Qasym-Jomart Toqaev Prezident Vladimir Pýtinmen ekijaqty taýar ainalymynyń kólemin taiaý arada 30 milliard dollarǵa deiin arttyrý jónindegi ýaǵdalastyqqa qol jetkizilgenin eske saldy.
Prezident Resei Federatsiiasy Qazaqstan ekonomikasyna qarjy salǵan jetekshi investorlardyń biri bolyp otyrǵanyna nazar aýdardy. Byltyr jalpy investitsiia kólemi 4 milliard dollarǵa jetti.
Memleket basshysy elimizde kóptegen reseilik kompaniia jemisti jumys istep jatqanyn málimdedi. Bul eki el arasyndaǵy ózara senimniń joǵary deńgeiin kórsetedi. Denis Mantýrov qonaqjailyq tanytqany úshin Qasym-Jomart Toqaevqa rizashylyq bildirip, reseilik taraptyń ekijaqty bailanystardy odan ári keńeitýge daiyn ekenin rastady.
Resei Úkimeti Tóraǵasynyń birinshi orynbasary taraptar birlesken jobalardy damytýǵa berik negiz qalaǵanyn aityp, olardyń tabysty júzege asyrylatynyna senim bildirdi.
