Mańǵystaý oblysynyń Beıneý aýdanynda ornalasqan "Tájen" keden beketinde Ózbekstan azamatynan esirtki paketi tabyldy, - dep habarlaıdy Dalanews.kz QMA baspasóz qyzmetine silteme jasap.
"Lada Largus" markaly jeńil avtokólikti tekserý kezinde 1991 jyly týǵan azamattan jasyl paketke oralǵan kúdikti zat tabyldy. Tekserý kezinde kúdikti qyzmetkerdiń qolynan paketty julyp alyp, ony jutyp qoıdy.
Qyzmetkerler azamatty ortalyq aýdandyq aýrýhanaǵa jetkizip, asqazanyna kompúterlik tomografıa jasaý kezinde bógde zat tabyldy.
Sot saraptamasynyń nátıjesi boıynsha tárkilengen zat salmaǵy 1,26 gr. psıhotroptyq metamfetamın gıdrohlorıdi bolyp shyqty. Qazirgi ýaqytta ustalǵan adam ÝUI-ǵa qamaldy.
Esirtki zattaryn saqtaý faktisi boıynsha sotqa deıingi tergeý júrgizilip jatyr. QR QPK-niń 201-baby tártibindegi ózge de aqparat tergeý múddesinde jarıa etilýge jatpaıdy.
