Mańǵystaý oblysy ákimdiginiń resmi ókili Janna Saǵidolla oblys ákimi Nurlan Noǵaevqa qatysty shyqqan aqparatqa pikir bildirdi, dep habarlaidy Dalanews.kz.
Buǵan deiin Yedilov.online telegramm arnasy Noǵaev qazirgi qyzmetinen ketýi múmkin ekenin jazǵan edi.
“Keibir derekkóz aqparaty boiynsha Mańǵystaý oblysynyń ákimi Nurlan Noǵaev basqa jumysqa aýysýyna bailanysty qazirgi laýazymynan ketedi”, - dep jazǵan bolatyn.
Bul jazbanyń astyna ákimdiktiń resmi ókili, baspasóz hatshy Janna Saǵidolla pikir bildirgen.
“Mańǵystaý oblysynyń ákimi Nurlan Noǵaev óz jumys ornynd”, - dep jazdy ol.
Eske salaiyq, Noǵaev 2021 jyldyń qyrkúieginen beri Mańǵystaý oblysyn basqaryp keledi.
Jaqynda Nurlan Noǵaev memleket basshysyna esep bergen bolatyn.
“Prezidentke oblys turǵyndarynyń ál-aýqatyn jaqsartýǵa baǵyttalǵan jospar tanystyryldy. Onda aýyl sharýashylyǵyn ilgeriletý jáne infraqurylymdy damytý, turǵyndardy sapaly aýyzsýmen qamtamasyz etý sharalary qamtylǵan. Sondai-aq óńirdiń kólik-logistikalyq áleýetin paidalanýǵa jáne týrizm salasyn órkendetýge basa nazar aýdarylǵan” - delingen habarlamada.
Kezdesý sońynda Memleket basshysy birqatar naqty tapsyrma berdi.
