Mańǵystaý oblysynda keibir pedagogtardyń diplomy jalǵan bolyp shyqty. Bul týraly oblystyq ákimdik málim etti, dep habarlaidy Dalanews.kz.
Mańǵystaý oblysy bilim basqarmasynyń basshysy Dinara Jumashevanyń aitýynsha, byltyr 20 myń pedagogtyń qujaty tekserilgen.
"2023 jyly oblys boiynsha 20 myńnan astam pedagogtyń diplomy quqyq qorǵaý organdaryna tekserýge jiberildi, nátijesinde 7 pedagogtyń diplomy jalǵan bolyp shyqty", - deidi bilim basqarmasynyń basshysy.
Biyl da diplomy jalǵan muǵalimder anyqtalǵan.
"Jyl basynan beri 9 pedagogtyń bilimi týraly qujaty rastalmady. Olar qyzmetinen bosatyldy. Qazirgi ýaqytta joǵary oqý oryndarynan 7938 pedagogtyń diplomy boiynsha jaýap kútip otyrmyz", - dedi Dinara Jumasheva.
