Al aýzynan Elbasy túspeıtin Baýyrjan Baıbek te qarap otyrmaı, ózine jaqyn Táńirbergen degen orystildi blogermen kelisip, soǵan bergen suhbatynda aqtalýǵa tyrysypty, dep habarlaıdy Dalanews.kz.
Baıbek ózi týraly áńgimeniń bárin ótirik dep, Mamaıdyń bul tirligi jýrnalısik zertteýge jatpaıdy deıdi.
– Janbolat Mamaı Uzun Qulaq degen feık telegram-kanaldyń derekterine súıenipti. Ol kanaldyń jazǵandaryn saralasaq, olar Konstıtýsıaǵa qarsy jumys istep, áleýmettik arazdyq týdyrýmen aınalysady. "Novyı ıýjandar" men "staryı ıýjandar", "karagandınskı klan" deıdi. Biraq shyndyǵynda Qazaqstanda ondaı klandar joq, – dedi Baıbek.
Mamaıdy sotqa beremin!
– Elbasy únemi aıtatyn bylaı dep: eger seniń aryń taza bolsa, jala japqyshtardy sotqa ber dep. Biz demokratıalyq memleket quryp kelemiz. Árbir adam óz quqyǵy, abyroıy úshin kúresýi tıis. Men de osy eldiń azamatymyn, Baýyrjan Baıbek degen esimimniń bylǵanǵany maǵan unamaıdy. Álgi vıdeony meniń anam da kóredi, mysaly. Mamaı sıaqty basqa da ótirikshiler men jala japqyshtarǵa sabaq bolsyn – men Mamaıdy sotqa beremin! Meniń jasyratyn túgim joq, adal, taza adammyn, degendeı áńgime soǵyp tastady Baıbek.
