"Maiqaiyń" altyn kenishindegi apatta is-túzsiz joǵalǵan eki qutqarýshynyń týystary kómek surap Astanaǵa keldi, dep habarlaidy Dalanews.kz.
Apattyń bolǵanyna úsh aiǵa jýyqtasa da, qutqarýshy men avtobýs júrgizýshisiniń máiiti áli tabylmady. Al izdeý jumystary toqtap tur.
Kenishte joǵalyp ketken qutqarýshy Aidos Sháimerdenniń áieli Nursulý Sháimerden áli sheshimin tappai júrgen suraqtarǵa jaýap izdep, Astanaǵa keldi. Ol memlekettik organdardan qutqarý jumysyn jalǵastyrýdy talap etip otyr.
“Izdestirý jumystarynyń toqtatylǵanyna 39 kún, qaiǵyly oqiǵadan beri 89 kún ótti. Balalar: "Ákem qaida?" dep suraidy. Ákesi joq. Kúni-túni kóz jasym qurǵamaidy. Kúieýimniń ákesi insýlt aldy, al enemniń qan qysymy bar. Olardyń jalǵyz uly joǵalyp ketti. Ony tipti jerlei almai otyrmyz”, – deidi ashynǵan áiel KTK arnasyna bergen suqbatynda.
Qutqarýshy Aidos Sháimerden men jedel-qutqarý jasaǵynyń júrgizýshisi Aiyp Tileýbergenniń máiitteri tabylǵan joq. Biraq olardy óldige sanamaǵandyqtan, jaqyndaryn da jábirlenýshi tarapqa jatqyzbaidy. Arnaiy saraptama jáne onyń negizinde jasalǵan qutqarý jospary bolmaǵandyqtan izdeý jumystary áli toqtap tur.
Is-tússiz joǵalǵan qutqarýshylardyń týystarynyń aitýynsha, "Maiqaiyńaltyn" kenishi jáne kásiporyndy qutqarý jasaqtarymen qamtamasyz etken kásiptik áskerilendirilgen apattyq qutqarý qyzmeti arasyndaǵy daýǵa bailanysty qujattar áli daiyn emes. Eshqaisysy qajetti saraptamany jasaýdy óz moinyna alǵysy kelmeidi.
Tótenshe jaǵdailar ministrligi jaǵdaiǵa qatysty pikir bildirdi.
“Qazir zaýyt pen kásiptik áskerilendirilgen apattyq qutqarý qyzmeti saraptamaǵa qatysy saýaldy sheship jatyr. Sondai-aq olar sol jerde belgili bir jumystardy júrgizip, qutqarýshylardyń jumysyn jalǵastyrý qanshalyqty qaýipsiz bolatyny týraly qorytyndy jasaýy kerek”, – deidi Tótenshe jaǵdai vitse-ministri Baýyrjan Syzdyqov.
Aidos Sháimerdenniń ápkesiniń aitýynsha, úkimet qutqarýshynyń 12 jastaǵy erekshe kútimdi qajet etetin qyzyna 10, eki jastaǵy balasyna 10 million teńge ótemaqy tólenedi dep ýáde bergen. Alaida basqa qutqarýshylardyń otbasy materialdyq ótemaqy alsa, Aidostyń otbasyna aqshalai kómek kórsetilmegen.
“"Maiqaiyńaltyn" kenishi resmi ótinishter berildi, olar ótinishti qabyldady. Biraq bir ai boldy. Jaýap joq. Tek “másele qarastyrylyp jatyr” dep qutylady”, – deidi Ainash Májiotva.
Óndiristegi eńbek qaýipsizdigi salasyn jáne onymen bailanysty máselelerdi qadaǵalaityn Indýstriia jáne qurylys ministri de jábirlenýshi taraptyń janaiqaiyna qulaq túrdi.
“Eń aldymen qutqarýshyǵa jumys berýgen tulǵa áleýmettik jaýapkershilik alý kerek. Men ótemaqy máselesin egjei-tegjeili talqylaǵan joqpyn... Al bul másele, ókinishke orai, tikelei meniń ministrligimniń quzyretine jatpaidy. Biraq men máseleni sheshý jumystaryna qatysýǵa daiynmyn”, – dedi Indýstriia jáne qurylys ministri Qanat Sharlapaev.
Eske salaiyq, buǵan deiin "Maiqaiyń altyn" ken ornynda úlken oiyq mańyndaǵy topyraq opyrylyp, 4 adam mingen avtobýs jerdiń astyna túsip ketken bolatyn.
