Osy rette qyrǵyzstandyq qylmys áleminiń serkesi Kólbaevtyń Qazaqstanmen bailanysy bar degen zańdy suraq týyndaidy.
Qandy qańtar oqiǵasynan keiin Serik Kúdebaevqa «aýyr zardaptarǵa ákep soqtyrǵan qyzmettegi áreketsizdik» degen aiyp taǵylyp, is qozǵalǵan edi. Serik Kúdebaev Almaty oblysynyń komendanty bola tura, qyzmettik mindetin tastap, qarasyn batyrǵan bolatyn.
Sol kezde Almaty oblysynyń eks-ákimi Qanat Bozymbaev 5 qańtardaǵy oblystyq shtab otyrysynda komendanttyń barlyq ókilettigi generalǵa berilgen aitqan-dy. Biraq sol kúni Serik Myrzaqululy kezekshilik pýnktinen 300 shaqyrym jerdegi týǵan aýylyna tartyp otyrǵan.
Al 2023 jyldyń qańtarynda Serik Kúdebaevqa qarsy sot isi bastalǵan bolatyn. Dál osy kúni QR Parlamenti Májilisinde Qańtar oqiǵasy týraly film kórsetilip, onda Almaty oblysynyń politsiia bastyǵynyń qarýly kúzetpen birge ózi kúzetýi tiis departament ǵimaratynan shyǵyp ketkeni kórsetlidi.
Al sáýirdiń 1 men 2-si kúni áleýmettik jelilerdi Serik Kúdebaevtyń shetelge qashyp ketkeni jaiynda habar tarady. Ol Qyrǵyzstanǵan ótip, odan ári qarai Túrkiiaǵa ushyp ketkenin oqyrmandar jaqsy biledi.
3 sáýirde Kúdebaev aýrýhanadan sot zalyna jetkizilýi kerek edi. Biraq Taldyqorǵan qalalyq sotynyń sýdiasy sol Almaty oblysynyń burynǵy politsiia basshysyn izdeýge jariialady.
Qazir áleýmettik jelide Kúdebaevtyń qashyp ketýine Qamshy Kólbaev kómekteskeni týraly aqparat tarady. Aitpaqshy, Qyrǵyzstanda da bul fakti boiynsha qylmystyq is qozǵalǵan. Biraq tergeýshiler resmi túrde túsinikteme bergen joq.
«Kolia-qyrǵyzdy» kóp adamdar bailardy tonap, tapqanyn kedeilerge bólip beretin «Robin Gýd» ataidy eken.
Aitalyq, Qyrǵyzstanda pandemiia kezde Qamshy Kólbaev belgili telejúrgizýshi Assol Moldokmatovanyń ótinishi boiynsha týǵan jeri Sholpon-Atadaǵy aýrýhanaǵa meditsinalyq qural-jabdyq satyp alyp, qajetti dári-dármekterdi alýǵa aqsha bergen edi.
Sonda ony «jerlesteri úshin aianbaityn qyrǵyz halqynyń naǵyz uly» dep ataǵan-dy.
Al 2020 jyldyń qazan aiynda Kólbaev qandai da bir sebeptermen qamaýǵa alynyp, Qyrǵyz Respýblikasy Qylmystyq kodeksiniń «Qylmystyq uiym qurý nemese oǵan qatysý» baby boiynsha qylmystyq jaýapkershilikke tartylǵan bolatyn. Quqyq qorǵaý jáne barlaý organdarynyń málimetinshe, Kólbaevtyń qylmystyq áreketteri kóptegen baǵyttar boiynsha órbigen. Oǵan esirtki tasymaly, qarý-jaraq saýdasy, bopsalaý, reket, jyljymaityn múlik, tonaý, avtokólik urlyǵy, banditizm, aqshany jylystatý, memleket múlkin urlaý jáne tapsyrys boiynsha kisi óltirý boiynsha aiyptar taǵylǵan.Biraq 2021 jyldyń naýryz aiynda ol kepilmen bosatyldy.
Keibir málimetterge qaraǵanda, qyrǵyzdyń Robin Gýdy bir jyldary elin tastap, Qazaqstanǵa da qonys aýdarǵan desedi. Sol kezde Kólbaev Kúdebaevpen aýyz jalasýy múmkin.
