Siz bulardy kókjáshikten kúnde kóresiz. Qazaqstanda ómir súrse de, Reseidiń jańalyqtaryn úzbei kóretin elimizdegi orystildi qaýymnyń barlyǵy bolmasa da kópshiligi osy ekeýiniń aitqan sózine senedi. Imandai senedi.
Bul ekeýi búgingi Ýkrainanyń qas jaýy. AQSh olar úshin azǵyndaǵan, Batys búlingen el. Olardyń tilinde: «demokratiia Amerikanyń álemdi basqarý úshin oilap tapqan quraly men qarýy».
Búgin olarǵa Ýkraina jaý. Erteń basqa el. Ol biz bolýymyz da múmkin...
Bul ekeýi kúlli orys halqynyń miyn dýalap, aldap-arbap tastaǵan. Orys halqy endigi jerde basqasha oilai almaidy. Oilaýy da neǵaibyl. Olardyń oilaý júiesin Solovev/Kiselev tandemi basqaryp otyr, óitkeni.
Orys halqy dýalanǵan, arbalǵan, kózi bailanǵan. Orystardyń óz arasynda muny «zombirovanie» deidi.
[caption id="attachment_11624" align="alignright" width="556"]Pýtin bul ekeýiniń eńbegin joǵary baǵalaidy. Pýtinniń reitingin 80-90 paiyzǵa kóterip otyrǵan, kúlli orys halqynyń sanasyna «patshadan basqa táńir joq» degendi sińdirgen de osy ekeýi.[/caption] 2015-01-02_21-32-39-950x562
Iá, siz bulardy kókjáshikten kúnde kóresiz. Sebebi, bizdiń aqparattyq keńistik ashyq-shashyq jatyr. Ýkrainany ashyq jamandap, AQSh pen Batysty balaǵattap, orys áleminiń qundylyqtaryn ulyqtap otyrǵan «Rossiia 1» telearnasyna TMD-nyń biraz eli tosqaýyl qoidy. Tek, biz emes.
Bul ekeýi kúlli orys halqyn, ózderi «baýyrlas ultpyz» deitin Ýkrainaǵa qarsy qoidy. Bul ekeýi ótirikti shyndai aitady. Joqty bar qylady.
Búgin olarǵa Ýkraina jaý. Erteń basqa el. Ol biz bolýymyz da múmkin...
Pýtin bul ekeýiniń eńbegin joǵary baǵalaidy. Pýtinniń reitingin 80-90 paiyzǵa kóterip otyrǵan, kúlli orys halqynyń sanasyna «patshadan basqa táńir joq» degendi sińdirgen de osy ekeýi.
Pýtinge bul ekeýi kerek. Dál osyndailardyń kómegimen Resei prezidenti jarty álemge jalǵan aqparat taratyp otyr.
Al osy nasihatshylar ne dedi? Ýkrain ultyna qalai til tigizdi? AQSh-ty qalai aiyptady?
Kiselev/ Solovev tandeminiń atyshýly birqatar málimdemelerin nazaryńyzǵa usynyp otyrmyz, oqyrman. Taǵy da bir qaitalap aitaiyq. Bulardyń sózine senýge bolmaidy!
RESEI AQSh-TY KÚLGE AINALDYRADY
- Resei AQSh-ty radioaktivti kúlge ainaldyra salatyn álemdegi birden-bir el!
- AQSh-tyń elektronikasynan aýlaq bolyńyzdar. Amerikanyń uialy telefonyn, kompiýterin nemese basqa bir tehnikasyn satyp alsańyz abai bolyńyz. Onyń ishinde tyńdaý qurylǵysy bar. Olar bizdi osylai ańdidy.
- Ýkraina órkenietti álemnen qalys qalǵan. Olarda sóz bostandyǵy men ózge ulttarǵa degen qurmet atymen joq. Eldegi oligarhiialyq bilik Ortaǵasyrlardy eske túsiredi. Shyǵys Ýkrainadaǵy jurtty qyryp-joiyp jatqan qandy operatsiialardyń qisyny joq. Baspasóz ben kúlli partiia biliktiń sózin sóileidi. Kelispegenderdi ondap, myńdap jazalap jatyr. Munyń bári fashizmdi eske túsiredi.
- Ýkrainada rasizm órship tur. Ýkrainadaǵy orystar adam emes. Tómengi tap. Iatseniýk orystardy «adam emester», «vatnikter», «koloradtar» deidi. Fashistik lozýngtar, fashistik simvolikamen júretin «Ońshyl sektor» orystardyń jaýy. Bul fashistik uiym Kievte saiasi partiia retinde tirkelgenin bireý bilse, bireý bilmeidi.
- Resei Ýkrainadaǵy maidannan qandai sabaq aldy? Bilik memlekettiń múddesine sai áreket etýi kerek. Memleket árdaiym saqadai-sai jumys istep turatyn qural bolýy tiis. Memleketti jek kórer bolsaq odan aiyrylyp qalýymyz múmkin. Eger bireý Máskeýdegi ortalyq alańda Maidan uiymdastyrǵaly jatqanyn estisem, meniń aiaǵym qaltyrap keter edi. Maidandaǵy tobyrdyń basynda búlik shyǵarýdan basqa túk joq. Maidandaǵy tobyrǵa qarap Ýkrainanyń qurdymǵa ketip bara jatqanyn kóresiń.
TUTAS ÝKRAINANY TARTYP ALAMYZ
- Jańaresei jobasy aiaqtaldy ma? Joq, jalǵasyn tabady. Bizge Lýgansk pen Donetskini tartyp alýdyń qajeti qansha? Erteń bular Ýkraina quramyndaǵy avtonomiiaǵa ainalsa, Ýkraina eshqashan antireseishil el bolmaidy. Atalǵan eki avtonomiia búkil Ýkrainany fashistik kúshterden azat etedi. Mine, sol kezde Harkov, Odessa, Dnepropetrovsk....kóteriledi. Sol kezde Lýgansk pen Donetski ǵana emes, tutas Ýkraina bizdiki bolady. Biz bul eldi eshqandai oq atpai partizandyq otriadtardyń kómegimen alamyz.
- Jańareseidi, Donbassty eshkim satqan joq. Ýkraina óz halqyn qyra bastaǵaly beri Donbasstan Reseige 1 mln-ǵa tarta adam kóship keldi. Olardyń jartysy erkekter. Reseige ne úshin kelgeni belgisiz? Óz úiińdi, óz otanyńdy qorǵap qalǵyń kelse qolyńa qarý al da soǵysqa shyq! Áitpese ne, sender úshin soǵysyp, óletin basqa bireýler tabyla ma?
- Resei Obama oilaityndai «aimaqtyq derjava» emes. Biz uly imperiianyń muragerimiz. Pýtin Qyrymdy qol astyna qaratqanda kúlli reseilikterdiń keýdesin qýanysh kernedi. Biz babalarymyz qan tókken, 2 mln-ǵa tarta orys turatyn jerdi ózimizge qaitardyq. Osylai Pýtin reseilikterdiń oiynan shyqty.
Daiyndaǵan, Dýman BYQAI
