I.Jansúgirov atyndaǵy Jetisý ýniversiteti men Konstitýtsiialyq Sot birlesip Konstitýtsiianyń 30 jyldyǵyna arnalǵan dóńgelek ústel ótkizdi. «Qazaqstan Respýblikasynyń Konstitýtsiiasy: 30 jyldyq quqyqtyq evoliýtsiiasy jáne institýtsionaldyq transformatsiialary» taqyrybynda ótken sharaǵa Jetisý oblysynyń ákimdigi, oblystyq sot, prokýratýra, quqyq qorǵaý jáne memlekettik organdardyń, sondai-aq zańgerler qaýymdastyǵy, «AMANAT» partiiasy, «Atameken» kásipkerler palatasy jáne azamattyq qoǵam institýttarynyń ókilderi men Jetisý ýniversitetiniń ǵalymdary qatysty. Jiyndy ýniversitet rektory, zań ǵylymdarynyń doktory, professor Ermek Bóribaev júrgizdi.
«Mańyzdy bas qosýdyń maqsaty – Qazaqstan Respýblikasy Konstitýtsiiasynyń quqyqtyq memleketti qalyptastyrý men damytýdaǵy, quqyq ústemdigin qamtamasyz etýdegi jáne azamattardyń quqyqtary men bostandyqtaryn qorǵaýdaǵy tarihi róli men qazirgi mańyzyn talqylaý. Syn-qaterler men qoǵamnyń qarqyndy ózgerýi jaǵdaiynda konstitýtsiialyq sot tóreligin jańǵyrtýdyń joldaryn qarastyrý»-dedi rektor. Dóńgelek ústelde QR Konstitýtsiialyq Sotynyń sýdiasy, zań ǵylymdarynyń doktory, professor Roman Podoprigora baiandama jasady. Ol Konstitýtsiialyq sottyń jumys isteý mehanizmine, onyń basty ereksheligi men maqsat-mindetterine toqtaldy.
Shara qorytyndysynda quqyqtyq memleket pen demokratiialyq qaǵidattardy nyǵaitý boiynsha birqatar usynystar aityldy. Usynystar elimizdegi Konstitýtsiialyq reformalardy odan ári jetildirýge jáne quqyqtyq júieni damytýǵa negiz bolady.
