KIA avtokólik zaýyty - Qazaqstandaǵy jańa ári joǵary tehnologıalyq óndiris oryndarynyń biri. Kásiporynnyń óndiristik alańy 2025 jyldyń qazan aıynda iri ınvestısıalar men elde júrgizilip jatqan ekonomıkalyq reformalardyń qoldaýy arqasynda iske qosyldy, dep habarlaıdy Dalanews.kz.
Zaýyttyń jobalyq qýaty jylyna 70 myńǵa deıin avtokólik shyǵarýǵa múmkindik beredi. Qazirgi ýaqytta kásiporyn qarqyndy damyp keledi, ujym qataryna jas mamandar belsendi túrde tartylýda. Zaýyt tolyq qýatyna shyqqan kezde munda shamamen 1500 adam jumys isteıtin bolady.
Bul - zamanaýı óndiris orny. Kásiporyn tehnologıalyq jaǵynan elimizdegi eń robottandyrylǵan avtozaýyttardyń biri sanalady. Óndiris prosesine 70 ónerkásiptik robot tartylǵan.
Zaýyt ujymy úshin jańa Konstıtýsıa jobasynda eńbek qaýipsizdigine kepildik berilýi, ádil eńbekaqy tóleý qaǵıdattarynyń bekitilýi jáne jumysshylardyń quqyqtaryn qorǵaý tetikteriniń kúsheıtilýi mańyzdy.
"Biz jańa Konstıtýsıany qabyldaý jónindegi referendýmdy qoldaımyz. Óıtkeni myqty ekonomıka, eń aldymen, adam eńbegine degen qurmetten bastalady. Biz – damý úshin, biz – Qazaqstannyń jarqyn bolashaǵy úshin daýys beremiz", - deıdi kásiporyn ókilderi.
Qazirgi zamanǵy ónerkásip pen qorǵalǵan eńbek - ekonomıkalyq ósimniń jáne erteńgi kúnge degen senimniń berik negizi.
